ပဲဈေးနှုန်းများပြန်တက်လာ

ပြည်တွင်းဝယ်လိုအားတက်လာတာကြောင့် ပဲဈေးနှုန်းများ ပြန်တက်လာတာဖြစ်ကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ သိရပါတယ်။

ပြည်တွင်းကုမ္ပဏီများမှ ဝယ်လိုအားလိုက်လာတဲ့အတွက် ပဲဈေးနှုန်းများမှာအရင်တစ်ပတ်ကထက် ပြန်တက်လာတာဖြစ်တယ်လို့ မြန်မာနိုင်ငံပဲမျိုးစုံနှင့် နှမ်းကုန်သည်များ အသင်းမှ အတွင်းရေးမှူး ဦးမင်းကိုဦးက ပြောပါတယ်။

“အိန္ဒိယကိုတင်ပို့တာက (၁၀) လပိုင်းကုန်အမီတင်ပို့ရမှာဖြစ်တဲ့အတွက် ပြည်တွင်းဝယ်လိုအားတွေ ပြန်လိုက်လာတဲ့အတွက် ဈေးနှုန်းကပြန်တက်လာတယ်။ မတ်ပဲဆိုအရင်တစ်ပတ်ကထက် ၄၅၀၀၀ တက်လာတယ်။ ပဲစဉ်းငုံကတော့ ၂၅၀၀၀ လောက်တက်လာတယ်”

ယခုတစ်ပတ်အတွင်း မတ်ပဲတစ်တန်ကို ၇၆၀၀၀၀ ကျပ်တက်လာပြီး ပဲစဉ်းငုံတစ်တန်ကို ၈၃၅၀၀၀ ကျပ်တက်လာကြောင်း အဆိုပါအသင်းမှ သိရပါတယ်။

မတ်ပဲနဲ့ ပဲစဉ်းငုံကို အိန္ဒိယကို အဓိကထားတင်ပို့နေတာဖြစ်ပြီး အခြားပြည်ပနိုင်ငံများကို လည်း တင်ပို့နေကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ