နယ်ကားလမ်းကြောများ လည်ပတ်လာသဖြင့် ငရုတ်ကောင်းဈေး မြင့်တက်လာ

နယ်ကားလမ်းကြောများ ပြန်လည်လည်ပတ်လာသဖြင့် ငရုတ်ကောင်းဈေး မြင့်တက်လာ ကြောင်း ကိုယ်တိုင်စိုက်ပျိုးထုတ်လုပ်သူများထံမှ သိရသည်။

ငရုတ်ကောင်းဈေး ပြန်တက်နေပါတယ်။ နည်းနည်းချင်း ပြန်တက်နေတယ်။ ဘာလို့ ဈေးပြန်တက်တာလဲဆိုတော့ အခုရက်တွေမှာ နယ်ကားဂိတ်တွေ တော်တော်များများ ပြန်ဖွင့်လာလို့ပါ။ လမ်းပန်းဆက်သွယ်ရေးကြောင့်သာ ဈေးကွက်လည်ပတ်မှု အားနည်းခဲ့တာ။ အခုတော့ ပြန်တက်လာပါပြီ။

ဟု KKO Pepper ငရုတ်ကောင်း စိုက်ပျိုးထုတ်လုပ်ရေးမှ စီမံအုပ်ချုပ်သူ ဦးအောင်ဆန်းဦးက ပြောသည်။

ငရုတ်ကောင်းပင်ကို မွန်ပြည်နယ်၊ တနင်္သာရီတိုင်း၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ ကယားပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကချင်ပြည်နယ်၊ စစ်ကိုင်းတိုင်း(ကလေး၊ တမူး) စသည့်ဒေသများတွင် စိုက်ပျိုးနေကြသော်လည်း ပြည်တွင်းစားသုံးမှု များပြားပြီး စိုက်ဧကနည်းနေကြောင်း သိရသည်။

ငရုတ်ကောင်းပင်က ရေရရှိတဲ့ ဘယ်ဒေသမှာမဆို တစ်ချိန်လုံး၊ တစ်နှစ်ပတ်လည်လုံး စိုက်ပျိုးလို့ရပါတယ်။ အခုလမှာ ငရုတ်ကောင်းပျိုးပင်တွေ မှာယူစိုက်ပျိုးသူတွေတော့ များလာပေမယ့် စီးပွားဖြစ်စိုက်ဧက နည်းနေပါသေးတယ်။ ငရုတ်ကောင်းက ပြည်တွင်းစားသုံးမှုနဲ့တင် ထွက်သမျှကုန်ပါတယ်။ ခူးဆွတ်ပြီး လေးလမှာတင် ပြည်တွင်းမှာပဲ ရောင်းလို့ကုန်တယ်။ ကျန်တဲ့လိုအပ်ချက်အတွက် ပြည်ပက တင်သွင်းတဲ့ငရုတ်ကောင်းတွေကို သုံးကြရတယ်။

ဟု ဦးအောင်ဆန်းဦး က ဆက်လက်ပြောသည်။

လက်ရှိဈေးကွက်တွင် ငရုတ်ကောင်းဒေသမျိုး အမဲစေ့ တစ်ပိဿာလျှင် ၆၀၀၀ ကျပ်၊ ငရုတ်ကောင်းအဖြူစေ့ တစ်ပိဿာလျှင် ကျပ်၂၀၀၀၀ မှ ၂၅၀၀၀ ကျပ်၊ ဗီယက်နမ် ငရုတ်ကောင်းစေ့ ၅ မီလီမီတာအရွယ် တစ်ပိဿာလျှင် ၆၃၀၀ ကျပ်၊ ဗီယက်နမ် ငရုတ်ကောင်းစေ့ ၅၀၀ GL အရွယ် တစ်ပိဿာလျှင် ၅၅၀၀ ကျပ်၊ ကယားပြည်နယ်မျိုး ငရုတ်ကောင်းစေ့ တစ်ပိဿာလျှင် ၅၅၀၀ ကျပ် ဈေးနှုန်းများဖြင့် ရောင်းဝယ်ဖောက်ကားနေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ