မြန်မာ့အစေ့ထုတ်ပြောင်း ဈေးနှုန်းတက်လာ

အခုလက်ရှိ မြန်မာ့အစေ့ထုတ်ပြောင်း ဈေးနှုန်းမှာ အခုတစ်ပတ်အတွင်း အနည်းငယ်တက်လာတာဖြစ်ကြောင်း မြန်မာနိုင်ငံ ပြောင်းလုပ်ငန်းအသင်းမှ သိရပါတယ်။

မြန်မာ့အစေ့ထုတ်ပြောင်းများမှာ ပြီးခဲ့တဲ့လက ဝယ်ယူတင်ပို့မှု နည်းပါးတဲ့အတွက်ဈေးနှုန်းကျဆင်းပြီး အခုမေလဆန်းပိုင်းမှာ ဈေးနှုန်းတက်လာတာဖြစ်တယ်လို့ မြန်မာနိုင်ငံ ပြောင်းလုပ်ငန်းအသင်းမှ ဥက္ကဌ ဦးမင်းခိုင်ကပြောပါတယ်။

အခုလက်ရှိကတော့ ထိုင်းနိုင်ငံကိုတင်ပို့နေတယ်။ တရုတ်ကတော့ တင်ပို့ခွင့်မရတာတော်တော်ကြာသွားပြီ။ ပြီးခဲ့တဲ့လက ဝယ်ယူတင်ပို့မှုနည်းပါးတာလည်းပါလို့ ဈေးနှုန်းကျဆင်းတာပါ။ အခုတစ်ပတ်မှာတော့ ဈေးနှုန်းပြန်တက်လာပါတယ်

မြန်မာ့အစေ့ထုတ်ပြောင်းဈေးနှုန်းမှာ တစ်ပိဿာကို ၅၀၀ ကျပ် ဝန်းကျင်မှ အခုလက်ရှိမှာ တစ်ပိဿာကို ၅၂၀ ကျပ်ဝန်းကျင်ဈေးနှုန်းရှိလာကြောင်း အဆိုပါအသင်းမှ သိရပါတယ်။

ရှမ်းပြည်နယ်မြောက်ပိုင်းမှာ မြန်မာ့အစေ့ထုတ်ပြောင်းကို အဓိကစိုက်ပျိုးတာဖြစ်ကြောင်းလည်း မြန်မာနိုင်ငံပြောင်းလုပ်ငန်းအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ