ရေနံဈေးနှင့်အပြိုင် ရော်ဘာဈေးနှုန်းများလည်း မြင့်တက်လာ

၂၀၂၀ ခုနှစ်တွင် ရေနံဈေးနှုန်းနှင့်အပြိုင် ရော်ဘာဈေးနှုန်းများလည်း အနည်းငယ် မြင့်တက်လာကြောင်း ပြည်တွင်းရှိ ရော်ဘာဈေးကွက် ကျွမ်းကျင်သူများထံမှ သိရသည်။

အခုရက်ပိုင်းတော့ ရေနံဈေးနဲ့ အပြိုင် ရော်ဘာဈေးလည်း အနည်းငယ် တက်စပြုလာပါပြီ။ အထွက်နည်းတဲ့ ရာသီရောက်လာတာနဲ့ Covid-19 ကြောင့် ထိုင်းနိုင်ငံတို့လို ရော်ဘာထုတ်လုပ်တဲ့ တခြားနိုင်ငံတွေမှာ ထုတ်လုပ်မှုကျဆင်းတာကြောင့်လည်း ပါပါတယ်။

ဟု စိုက်ပျိုးရေးဦးစီးဌာန၊ မြိတ်ခရိုင်ဦးစီးမှူး ဦးဝင်းဇော် က ပြောသည်။

ယခုကဲ့သို့ ရော်ဘာဈေးတက်ရခြင်းမှာ မိုးရာသီတွင် ရော်ဘာစေးထုတ်ယူမရသဖြင့် ရော်ဘာအထွက်နည်းခြင်း၊ ဗီယက်နမ်နိုင်ငံ၌ တွင်ကျယ်နေသည့် Rain guard tapping စနစ်၊ မိုးကာအစေးလှီးစနစ် စသည့်ခေတ်မီစနစ်များကို မြန်မာ၌ မအောင်မြင်သေးခြင်း၊ လုပ်သားအများစု လုပ်ငန်းပြောင်းလဲလုပ်ကိုင်ခြင်းတို့ကြောင့်ဖြစ်ကြောင်း မြိတ်ခရိုင်ဦးစီးမှူး ဦးဝင်းဇော် ထံမှ သိရသည်။

အရင်ထက် နည်းနည်းလေး ဈေးပိုလာပါတယ်။ ခြံတွေလည်း ပိတ်ကုန်ကြပြီး ပစ္စည်းတွေ လည်း ထွက်နှုန်းအားနည်းသွားတာကြောင့်ပါ။

ဟု ကရင်ပြည်နယ်၊ ဘားအံမြို့နယ်မှ ရော်ဘာခြံရှင် ဦးဘုန်းနိုင် က ပြောသည်။

၂၀၂၀ ခုနှစ်၊ ဇွန်လ (၁၅) ရက် ပေါက်ဈေးများအရ မုဒုံရော်ဘာပေါက်စျေး တစ်ပေါင်လျှင် မှိုင်း no(3) လက်ငင်းဝယ်စျေး (၆၅၀) ကျပ်ဖြင့် ဈေးဖွင့်ရောင်းဝယ်နေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ