သီဟိုဠ်ဈေးကွက်ကျဆင်းနေသည့်အချိန်တွင် အစားထိုးသီးနှံအဖြစ် ကွမ်းခြံလုပ်ငန်းများ လုပ်ကိုင်နေကြ

သီဟိုဠ်ဈေးကွက်ကျဆင်းနေသည့်အချိန်တွင် အစားထိုးသီးနှံအဖြစ် ကွမ်းခြံလုပ်ငန်းကို လုပ်ကိုင်နေကြောင်း ဧရာဝတီတိုင်းဒေသကြီးမှ သီဟိုဠ်ပင်စိုက်ပျိုးသူများထံမှ သိရသည်။

"ကျွန်တော်တို့မြန်အောင်က စိုက်တဲ့သီဟိုဠ်တွေကို အဓိက ပုသိမ်မြို့ပေါ်ကို တင်ပို့ရောင်းချကြတယ်။ ပုသိမ် ဒိုင်တွေက ဒိုင်ခံဝယ်ပေးပါတယ်။ သို့သော် ဈေးကောင်းမရတာ သီဟိုဠ်ဈေးကွက် ပျက်သွားတာတော့ ၃ နှစ်ရှိနေပါပြီ။ ပထမကိုဗစ်လှိုင်းကာလကတည်းက Export တင်ပို့မှုနည်းသွားပြီး ဈေးကွက်လည်းကျဆင်းလာတာလို့ သိရပါတယ်။ သီဟိုဠ်ဈေးကွက် အခုလို ကျဆင်းနေတဲ့အတွက် အစားထိုးသီးနှံအနေနဲ့ ကွမ်း စိုက်ပျိုးထားပါတယ်"

ဟု ဧရာဝတီတိုင်းဒေသကြီး၊ မြန်အောင်မြို့နယ်မှ သီဟိုဠ်ပင်စိုက်ပျိုးသူ ဦးမျိုးဝင်းက ပြောသည်။

လွန်ခဲ့သော ၃ နှစ်ကာလက သီဟိုဠ်စေ့ တစ်ပိဿာလျှင် ၄၅၀၀ ကျပ် မှ ၅၀၀၀ ကျပ်အထိ ဈေးရရှိခဲ့ပြီး ၂၀၂၁ ခုနှစ်တွင် တစ်ပိဿာကို ၁၂၀၀ ကျပ်မှ ၂၀၀၀ ကျပ်ဝန်းကျင်အတွင်းသာ ဈေးရရှိကြောင်း တောင်သူများက ဆိုသည်။

"သီဟိုဠ်က Export အနေနဲ့ဆို အဓိက တရုတ်ဘက်က ဝယ်တယ်။ ထွက်သမျှ သီဟိုဠ်စေ့တွေကို ပုသိမ်မြို့ပေါ်ကို ရောင်းချလိုက်တဲ့အခါ အဝယ်ဒိုင်တွေက ပုသိမ်မှာတင် အချောသန့်စင်ပြီးမှ တရုတ်ကိုပြန်တင်ပို့ကြတာပါ။ အခုကျတော့ တရုတ်ဘက်က ဝယ်တော့ဝယ်နေသေးပေမယ့် အရောင်းထိုင်းသွားလို့ ကျွန်တော်တို့ဘက်လည်း ဈေးကျသွားတဲ့သဘောပါ။"

ဟု ဦးမျိုးဝင်းက ဆက်လက်ပြောသည်။

သီဟိုဠ်ပင်သည် နှစ်ရှည်ပင်အမျိုးအစားဖြစ်ပြီး စိုက်ပျိုးရာတွင် သွင်းအားစုစရိတ်၊ ရေနှင့် ပြုစုစောင့်ရှောက်မှုများစွာမလိုအပ်သည့် အပင်အမျိုးအစားတစ်ခု ဖြစ်သည်။

ဆောင်ပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ