မြန်မာ့လျှော်ဖြူစျေးနှုန်း တည်ငြိမ်နေ

ယခုလအတွင်း မြန်မာ့လျှော်ဖြူစျေးနှုန်းမှာ တည်ငြိမ်နေကြောင်း မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

လျှော်ဖြူစျေးနှုန်းများမှာ ကျဆင်းလာခဲ့ရာ အခုလအတွင်း ပြန်လည်တည်ငြိမ်နေပြီး အရောင်းအဝယ်ပုံ မှန်ရှိနေတယ်လို့ မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးဟိန်းထက်ကပြောပါတယ်။

“လျှော်ဖြူစျေးနှုန်းက အရင်နှစ်တွေထက် စျေးနှုန်းကတော့ ပိုရတယ်။ အဲဒါဖွင့်စအချိန်ကပေါ့။ စျေးနှုန်းကလည်း ကြားကပွဲစားတွေက ကစားနေတာနဲ့ မတည်ငြိမ်မှုလေးတွေတော့ရှိတယ်။ ဒါပေမယ့် ခုချိန်ကတော့ စျေးနှုန်းကတည်ငြိမ်နေတယ်”

လျှော်ဖြူစျေးနှုန်းများမှာ ဖွင့်ခါစ ထိပ်စတစ်ပိဿာကို ၆၀၀၀၀ ကျပ်ရရှိခဲ့သော်လည်း အခုလက်ရှိအချိန် မှာ ၃၀၀၀၀ ကျပ်ဝန်းကျင်သာ ရရှိနေပြီး စျေးနှုန်းတည်ငြိမ်နေတာဖြစ်ကြောင်း အဆိုပါအသင်းမှ သိရပါတယ်။

လျှော်ဖြူကို တရုတ်နဲ့ အဓိကထားတင်ပို့နေတာဖြစ်ပြီး အခြားပြည်ပနိုင်ငံစျေးကွက်များမှလည်း လာရောက်ကမ်းလှမ်းမှုများရှိကြောင်း သိရပါတယ်။

မြန်မာ့လျှော်ဖြူကို မန္တလေးတိုင်းဒေသကြီးနဲ့ စစ်ကိုင်းတိုင်းဒေသကြီးတို့မှာ အများဆုံးစိုက်ပျိုးထားကြောင်း မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ