ရုံးပတီသီးပင်သည် အပင်ငယ်စဉ်မှ အသီးထွက်ပြီးချိန်အထိ ဂရုစိုက်ပေးရသည့်သီးနှံပင်ဖြစ်

ရုံးပတီသီးပင်သည် အပင်ငယ်စဉ်ကာလမှစ၍ အသီးထွက်ပြီးသည့်အချိန်အထိ ဂရုစိုက်ပေးနေရသည့် သီးနှံပင်အမျိုးအစားဖြစ်ကြောင်း စိုက်ပျိုးသူများထံမှ သိရသည်။

ကျွန်တော်က ခရမ်းချဉ်သီးပင်၊ ငရုတ်သီးပင်နဲ့ ရုံးပတီသီးပင်တွေကို အဓိကစိုက်ပျိုးပါတယ်။ ရုံးပတီသီးပင်ရဲ့စိုက်သက်တမ်းကတော့ (၄၅) ရက်ကြာပါတယ်။ အပင်ပေါက်ပြီး ၃/၄ ရက်လောက်ကြာတာနဲ့ ပိုးကျရောက်မှု ရှိတတ်တာမို့ အပင်ငယ်စဉ်ကနေ ကြီးသည်အထိ ဂရုစိုက်ပေးဖို့ လိုအပ်တဲ့အပင်ပါ။ ရာသီဥတုဖောက်ပြန်တဲ့အခါ စုပ်စားပိုးတွေကျတတ်ပါတယ်။ အဲ့ဒီလိုကာလမျိုးတွေမှာ ပိုပြီးတော့ ဂရုစိုက်ပေးရတယ်။ မိုးရာသီမှာ ပိုးကျရောက်မှုများတတ်ပါတယ်။

ဟု မကွေးတိုင်းဒေသကြီး၊ ပွင့်ဖြူမြို့နယ်၊ ညောင်ပင်ရွာမှ သီးနှံစုံစိုက်ပျိုးသူ ကိုစိုးမိုးအောင် က ပြောသည်။

ရုံးပတီသီးပင်များကို ဇွန်၊ ဇူလိုင်လ မိုးဦးကျချိန်တွင် စတင်စိုက်ပျိုးလေ့ရှိကြပြီး စိုက်ပျိုးပြီး (၄)ရက်/(၅)ရက်အကြာတွင် အပင်စတင်ပေါက်ကာ၊ စိုက်ပျိုးပြီး (၁၅) ရက်ကနေ ရက် (၂၀) သားဝန်းကျင်မှစ၍ ဒေသအလိုက် ရာသီဥတုအခြေအနေအပေါ် မူတည်ပြီး မြေဩဇာကို လိုအပ်သလို ကျွေးမွေးပေးရကြောင်း သိရသည်။

မစိုက်ပျိုးခင်မှာ အရင် ရေခံလိုက်တယ်။ မျိုးစေ့ချပြီး၊ ဘောင်အုပ်ပြီး၊ အပင်ပေါက်ပြီးချိန်မှာ မြေအနေအထားနဲ့ အပင်ပေါ်မူတည်ပြီး ရေထပ်သွင်းပေးပါတယ်။ (၄၅) ရက်အတွင်းမှာဆိုရင်တော့ ရေ (၄) ကြိမ်လောက် သွင်းပေးရပါတယ်။

ဟု ၎င်းက ဆက်လက်ပြောသည်။

ပလတ်စတစ်အုပ်စနစ်ဖြင့် ရုံးပတီသီးပင် တစ်ဧကစိုက်ပျိုးပါက စိုက်ပျိုးစရိတ်ပျမ်းမျှ ကျပ် (၃) သိန်းကျော် ကုန်ကျကြောင်းသိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ