မြန်မာ့ကြယ်ပဲ ပြည်ပဝယ်လိုအားနည်းနေ

ယခုနှစ်အတွင်း မြန်မာ့ကြယ်ပဲ ပြည်ပတင်ပို့မှု ပြည်ပစျေးကွက်ဝယ်လိုအားမှာ နည်းနေကြောင်း မြန်မာနိုင်ငံ ကြယ်ပဲစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ပြည်တွင်းမှာ ကြယ်ပဲကို ကျယ်ကျယ်ပြန့်ပြန့် စိုက်ပျိုးနိုင်မှုမရှိသေးတဲ့အတွက် ထုတ်လုပ်မှုအားနည်းနေတာကြောင့် ပြည်ပဝယ်လိုအား နည်းနေခြင်းဖြစ်တယ်လို့ မြန်မာနိုင်ငံကြယ်ပဲစိုက်ပျိုးထုတ်လုပ် တင်ပို့ရောင်းချသူများအသင်းမှ ဒုတိယဥက္ကဌ ဦးသန်းအောင်ကပြောပါတယ်။

ကြယ်ပဲက ပြည်တွင်းမှာပဲရောင်းအားရှိတယ်။ ဒီမှာတောင် တွင်တွင်ကျယ်ကျယ်အသုံးမပြုကြသေးပါဘူး။ ဒီမှာက စိုက်ဧကကြတော့လည်း နည်းသေးတယ်။ ကျယ်ကျယ်ပြန့်ပြန့်ဧကထောင်ချီ မစိုက်နိုင်ကြသေးဘူး။ ပြည်ပကမှာတယ်ဆိုရင်တောင် သူတို့မှာသလောက်ကိုယ်တွေက ထုတ်လုပ်မှုမပေးနိုင်သေးဘူး။ ဒီနှစ်မှာ ပြည်ပကိုတော့ သိပ်မထွက်သေးဘူး

ယခုနှစ်အတွင်း ကြယ်ပဲမှာ ပြည်တွင်း၊ ပြည်ပဝယ်လိုအားနည်းနေတဲ့အတွက် ယခင်နှစ်များထက် စျေးနှုန်းကျဆင်းနေကြောင်း အဆိုပါအသင်းမှ သိရပါတယ်။

မြန်မာ့ကြယ်ပဲကို မန္တလေးတိုင်းဒေသကြီးမှာ အများဆုံးစိုက်ပျိုးတာဖြစ်ပြီး ပြည်ပစျေးကွက်ဖြစ်တဲ့ တရုတ်နဲ့ထိုင်းကို တင်ပို့ရောင်းချနေတာဖြစ်ကြောင်းလည်း မြန်မာနိုင်ငံ ကြယ်ပဲစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ