တောင်ကြီးမြို့အနီးတဝိုက်၌ ငွေနှင်းမှိုစိုက်ပျိုးမှုများပြားပြီး ကောက်ရိုးမှိုစိုက်ပျိုးသူ မရှိသလောက်ရှားပါး

ရှမ်းပြည်နယ်တောင်ပိုင်း၊ တောင်ကြီးမြို့အနီးတဝိုက်၌ မှိုစိုက်ပျိုးရေးလုပ်ကိုင်သူ များပြားသော်လည်း ငွေနှင်းမှိုစိုက်ပျိုးသူများပြားပြီး ကောက်ရိုးမှိုစိုက်ပျိုးသူများ မရှိသလောက် နည်းပါးကြောင်း သိရသည်။

ကောက်ရိုးမှိုက စိုက်တဲ့သူ မရှိသလောက်ဖြစ်နေတယ်ဗျ။ ရာသီဥတု အတက်အကျမြန်တာရယ် ကုန်ကြမ်းရှားလာတာရယ်ကြောင့်မလို့ ထင်တယ်ဗျ။ ကောက်ရိုးမှိုစိုက်တဲ့အခါ ဒီဒေသမှာက နွားချေးသုံးကြတာများတယ်ဗျ။ နွားချေးက ရှားလာတယ်လေ။ ဗေဒါကျတော့လည်း နေရာတိုင်းမရနိုင်ဘူးဗျ။ ငွေနှင်းမှိုကိုတော့ တောင်ကြီးအနီးအနားဒေသတွေမှာ တော်တော်များများစိုက်ကြတယ်ဗျ။ ကုန်ချောအနေနဲ့က ငွေနှင်းမှိုကို မှိုဆီကြော်လုပ်ကြတယ်ဗျ။

ဟု ရှမ်းပြည်နယ်တောင်ပိုင်၊း တောင်ကြီးမြို့နယ်၊ ရွှေညောင်မြို့မှ ငွေနှင်းမှိုစိုက်ပျိုးထုတ်လုပ်နေသူ ကိုပြည့်မြတ်နိုးက ပြောသည်။

၎င်းဒေသတွင် ငွေနှင်းမှိုတစ်ပိဿာလျှင် ဒိုင်သွင်းဈေး ၂၅၀၀ ကျပ်၊ ကောက်ရိုးမှိုတစ်ပိဿာလျှင် ဒိုင်သွင်းဈေး ၅၅၀၀ ကျပ်၊ ၆၀၀၀ ကျပ် စျေးနှုန်းများဖြင့် ရောင်းချနေကြကြောင်း သိရသည်။

ထွက်နှုန်းက ဒီအချိန်များတယ်ဗျ။ အခုလက်ရှိ ဒေသမှို (သဘာဝမှို) တွေ အထွက်များတာကော စိုက်ခြံများလာတာကောပါမယ်ထင်တယ်။ စျေးက အရင်လောက်မရတော့ဘူးဗျ။ ထွက်လာတဲ့ ငွေနှင်းမှိုတွေကိုလည်း တောင်ကြီးကိုပဲ တင်ပို့ကြတာများတယ်ဗျ။ တချို့တော့ နီးစပ်ရာစျေးပဲပို့ကြတယ်ဗျ။

ဟု ကိုပြည့်မြတ်နိုး ဆက်လက်ပြောသည်။

ပထမအကြိမ် ရှမ်းပြည်နယ်တောင်ပိုင်း မှိုစိုက်ပျိုးမွေးမြူသင်တန်းကို ၂၀၁၈ ခုနှစ် မေလက တောင်ကြီးမြို့ (အေးသာယာ) ၌ ကျင်းပခဲ့ပြီး သင်တန်းသား (၂၈)ဦးတက်ရောက်ခဲ့သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ