ကြက်သွန်နီကုန်တင်ကားဝင်ရောက်မှုနည်း

ယခုတစ်ပတ်အတွင်းကြက်သွန်နီကုန်တင်ကားများဝင်ရောက်မှုနည်း လာကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ကြက်သွန်နီဈေးများ ကျဆင်းနေတာကြောင့် ဝင်ရောက်မှုနည်းနေတာဖြစ်ကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ်တင် ပို့ရောင်းချသူများအသင်းမှ ဥက္ကဌ ဦးခင်ဟန် ကပြောပါတယ်။

“ အရင်တစ်ပတ်ထက် ကြက်သွန်နီကုန်တင်ကားတွေ ဝင်ရောက်မှုနည်းတယ်။ ဒီမှာဈေးကကျနေ တော့ အဝင်ကတော်တော်နည်းသွားတာ။ ကြက်သွန်နီအသေးက အရင်တစ်ပတ်ထက် ဈေးအနည်းငယ်ကျဆင်းနေတယ်။ ဈေးကျနေတော့ ကုန်တင်ကား(၁၀)စီးလောက်တော့ အဝင်လျော့သွားတယ်”

ကြက်သွန်နီကုန်တင်ကားအစီးရေမှာ တစ်နေ့ကိုဘုရင့်နောင်ကုန်စည်ဒိုင်ကို တစ်နေ့လျှင် ပုံမှန် အစီး (၃၀) ဝင်ရောက်မှုရှိနေတာဖြစ်ကြောင်း အဆိုပါအသင်းမှ သိရပါတယ်။

ကြက်သွန်နီအကြီးတစ်ပိဿာကို ၈၅၀ကျပ်၊ ကြက်သွန်နီအလတ်တစ်ပိဿာကို ၇၅၀ကျပ် နဲ့ ကြက်သွန်နီအသေးတစ်ပိဿာကို ၅၅၀ကျပ်ရှိကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့်စားဖိုဆောင်သီးနှံ စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ