ဝယ်ယူမှု များပြားသော်လည်း သံပုရာသီးဈေးနှုန်း ထင်သလောက်မကောင်းမွန်သေး

ကျန်းမာရေးအတွက် အထောက်အကူဖြစ်စေသည့် သံပုရာသီးကို လူအများ ဝယ်ယူမှုများပြားသော်လည်း ဈေးနှုန်းမှာ ထင်သလောက် မကောင်းမွန်သေးဘဲ ယခင်နှစ်များကထက် ကျဆင်းနေဆဲဖြစ်ကြောင်း သိရသည်။

လူတွေက သံပုရာသီးကို အရင်ကထက် သုံးလာကြတာကတော့ ဟုတ်တယ်။ ဒီနှစ်က မနှစ်ကထက်တော့ သံပုရာသီးဈေးကျပါတယ်။ အခုတော့ သံပုရာသီးတစ်လုံးကို လက်လီဆို ၅၀ ကျပ်ပဲ ရတော့တယ်။ လက်ကားဆိုရင် သံပုရာသီး အလုံး အကြီးအသေးအပေါ် မူတည်ပြီး တစ်လုံးကို ၂၅ ကျပ် ၃၀ ကျပ်ပဲရတယ်။ အရင်ကတော့ ဒီလို ဩဂုတ်လလောက်ဆို သံပုရာသီးဈေးပိုရတဲ့အချိန်ပါ။ လမ်းပန်းဆက်သွယ်ရေးကြောင့် မဟုတ်ဘူး။ ကျွန်တော်တို့ဘက်မှာ အခုက ကားလမ်းတွေက ပွင့်နေတယ်။

ဟု နေပြည်တော်ရှိ ပြည့်ဝသံပုရာခြံမှ ကိုပြည့်ဝက ပြောသည်။

ယခင်နှစ်က သံပုရာသီးတစ်လုံးလျှင် ပျမ်းမျှဈေးနှုန်း ၇၀ မှ ၁၀၀ ကျပ် အတွင်းရရှိခဲ့ပြီး အခုနှစ်တွင် သံပုရာသီးဈေးကွက်မပြတ်လပ်သော်လည်း ဈေးနှုန်းကျဆင်းမှု ဆက်တိုက်ကြုံတွေ့နေရခြင်းဖြစ်သည်။

ဈေးကွက်လည်ပတ်နေပေမယ့်လည်း ဘာကြောင့် ဈေးနည်းနည်းပဲရနေသလဲဆိုတော့ အခုကာလရဲ့အရှေ့ပိုင်းလေးမှာ နိုင်ငံရေးနဲ့ ကိုဗစ်နဲ့ဆိုတော့ ဈေးတွေက သိပ်မဖွင့်တာနဲ့ လူတွေက အသွားအလာနည်းပါးတာနဲ့ အိမ်ပြင်မထွက်တာနဲ့ တော်တော်ကို သုံးတဲ့လူကနည်းသွားခဲ့သေးတယ်။ ဒီတော့ အဲ့ဒီကာလရဲ့ရိုက်ခတ်မှုတချို့ကြောင့် ခြံတွေမှာ ဈေးကွက်ထဲမှာ သံပုရာသီးတွေက တအားပေါသွားသေးတဲ့အတွက် ဈေးတွေက အခုထိ အကုန်ပြုတ်ကျကုန်တယ်။

ဟု ကိုပြည့်ဝက ဆက်လက်ပြောသည်။

နှစ်စဉ် မတ်လ၊ ဧပြီလတို့၌ သံပုရာသီးဈေးများ မြင့်တက်လာပြီး၊ ဧပြီလကျော်လာပြီးသည့်နောက် သံပုရာသီးဈေးပြန်ကျသွားတတ်သည်။ အသီးထွက်နှုန်းများသည့် ဇွန်လ၊ ဇူလိုင်လများတွင်မူ သံပုရာသီးဈေး အနိမ့်ဆုံးဖြစ်သွားတတ်ပြီး၊ သြဂုတ်လတွင် ဈေးကောင်းပြန်ရတတ်ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ