မြန်မာ့ငရုတ်သီးများ တစ်နေ့လျှင်တန်ချိန်(၂၀၀)ဝန်းကျင် ဆုံးရှုံးမှုများဖြစ်ပေါ်နေ

မြန်မာ့ငရုတ်သီးများမှာ ငရုတ်သီးခူးဆွတ်ချိန်ရာသီ ရောက်ရှိနေသော်လည်း မခူးဆွတ်နိုင်တာကြောင့် တစ်နေ့ကိုတန်ချိန်(၂၀၀)ဝန်းကျင် ဆုံးရှုံးမှုများဖြစ်ပေါ်နေကြောင်း မြန်မာငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

မြန်မာ့ငရုတ်သီးများမှာ မြန်မာနိုင်ငံအနှံ့အပြား ထွက်ရှိနေပေမယ့်လည်း မခူးဆွတ်နိုင်တာကြောင့် တန်ချိန်(၁၇၀)မှ တန်ချိန်(၂၀၀)ဝန်းကျင်ထိ ဆုံးရှုံးမှုများဖြစ်ပေါ်နေတယ်လို့ မြန်မာငရုတ်သီးဈေးကွက်နှင့် နည်းပညာဖွံံ့ဖြိုးတိုးတက်ရေးအသင်းမှ ဥက္ကဌဒေါ်ဥမ္မာကျော်ကပြောပါတယ်။

ငရုတ်သီးတွေက အခုထွက်တဲ့ချိန်ရောက်နေပြီ။ ဒါပေမယ့် ထွက်ရှိနေတဲ့နေရာတွေမှာ အသွားအလာ ကန့်သတ်မှုတွေရှိတာကြောင့် ခူးဆွတ်ချိန်မှာ မခူးဆွတ်နိုင်ဘူး။ အဲဒီအတွက် ငရုတ်သီးတွေက တစ်နေ့ကို တန်ချိန်(၂၀၀)ဝန်းကျင်လောက် ဆုံးရှုံးနေတယ်

မြန်မာ့ငရုတ်သီးကို မန္တလေးတိုင်းဒေသကြီးနဲ့ ဧရာဝတီတိုင်းဒေသကြီးတို့မှာ အများဆုံးစိုက်ပျိုးကြောင်း အဆိုပါအသင်းမှ သိရပါတယ်။

မြန်မာ့ငရုတ်ပွဲရုံများမှာလည်း ပိတ်ထားတာကြောင့် တောင်သူများမှာ အခက်အခဲကြုံတွေ့နေရတာဖြစ်တယ်လို့ မြန်မာငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ