ကိုဗစ်-၁၉ ပထမလှိုင်းကာလမှစတင်၍ ပြောင်းသတ်ပင်/ပြောင်းသေပင်ဈေးကွက် စတင်ဖြစ်ထွန်းနေ

ကိုဗစ်-၁၉ ပထမလှိုင်းကာလမှစတင်၍ ပြောင်းသတ်ပင်/ပြောင်းသေပင် အရောင်းအဝယ်ဈေးကွက် စတင်ဖြစ်ထွန်းနေကြောင်း မန္တလေးတိုင်းဒေသကြီးရှိ တောင်သူများထံမှ သိရသည်။

အခုလဆို ပြောင်းခင်းထဲ ပြောင်းသတ်ပင်တွေ ပေါပေါများများပေါက်နေပြီ။ စပေါက်တာတော့ ပြောင်းပင်နဲ့အတူတူပေါက်တာ မဟုတ်ဘူး။ ပြောင်းဖူးပင်တွေ အရင်ပေါက်ပြီးမှ အဲ့ဒီအပင်လေးတွေက ပေါက်လာကြတာ။ အခုချိန်ဝယ်တယ်ဆို အပင်အစိုရော အခြောက်ပါရနိုင်တယ်။ ဘာလုပ်ဖို့ လာဝယ်နေတာလည်းတော့ မသိရဘူး။ ကျွန်တော်တို့ရွာမှာက နွားကျွေးဖို့ ပြောင်းဖူးပင်တွေစိုက်ကြတယ်။ ပြောင်းဖူးပင်တွေ နည်းနည်းကြီးလာတာနဲ့ ပြောင်းသတ်ပင်တွေက ပေါက်လာကြတယ်။ နှုတ်ပြီး အစိုအတိုင်းဖြစ်ဖြစ်၊ နေလှမ်းပြီးဖြစ်ဖြစ် ရောင်းလို့ရတယ်။

ဟု မန္တလေးတိုင်းဒေသကြီး၊ မြင်းခြံခရိုင်၊ ငါန်းဇွန်မြို့နယ်၊ နဘဲပင်ကျေးရွာမှ တောင်သူ ဦးကိုကိုနိုင်က ပြောသည်။

ပြောင်းသတ်ပင်/ပြောင်းသေပင် အစို တစ်ပိဿာလျှင် (၁၀၀၀)ကျပ်၊ အခြောက် တစ်ပိဿာလျှင် (၂၀၀၀)ကျပ်မှ (၃၀၀၀)ကျပ်အတွင်း ဈေးနှုန်းများဖြင့် ဝယ်ယူနေကြောင်း သိရသည်။

ပထမ ကိုဗစ်ကာလကနေစပြီး ဈေးကွက်စရှိလာတာပဲ။ အခုဆိုရင် တစ်နှစ်ခွဲ၊ နှစ်နှစ်ကျော်လောက်တော့ ဈေးကွက်ရှိနေပြီ။ အရင်နှစ်ကထက်စာရင် အခုနှစ်မှာ ဈေးနှိမ်ဝယ်နေကြတယ်။ အရင်နှစ်က အစိုတစ်ပိဿာကို ထောင့်သုံးရာကျပ်ဈေးရခဲ့တယ်။ အခုတော့ တစ်ထောင်ကျပ်နဲ့ ဈေးဖွင့်ဝယ်နေကြတယ်။ ကျွန်တော်တို့နယ်ကနေ လာဝယ်ဝယ်ပြီးတော့ ဘယ်ကိုသွားပြန်ပို့လဲတော့ မသိဘူး။ စစ်ကိုင်းနဲ့ မန္တလေးတစ်ဝိုက်ကပဲ လာဝယ်နေကြတာပဲ။

ဟု ၎င်းက ဆက်လက်ပြောသည်။

ပြောင်းသတ်ပင်များ ပေါက်ရောက်မှု အားကောင်း/ကြီးလာသည်နှင့်အမျှ ပြောင်းပင်၏ ပြောင်းဖူးအထွက်နှုန်းကို ထိခိုက်စေနိုင်ပြီး၊ ပြောင်းပင်သေသည်အထိ ဖြစ်တတ်သဖြင့် ပြောင်းသတ်ပင်ရောင်းချခြင်းသည် တောင်သူများအတွက် အကျိုးရှိသည့် အရောင်းအဝယ်တစ်ခုလည်း ဖြစ်ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ