မြန်မာ့အစေ့ထုတ်ပြောင်း ထိုင်းနိုင်ငံကိုတင်ပို့လျက်ရှိ

မြန်မာ့အစေ့ထုတ်ပြောင်းကို တစ်နေ့လျှင် ထိုင်းနိုင်ငံကို ကားအစီး (၄၀၀) တင်ပို့လျက်ရှိနေတယ်လို့ မြန်မာနိုင်ငံ ပြောင်းလုပ်ငန်းအသင်းမှ သိရပါတယ်။

အခုလက်ရှိမှာ မြန်မာ့အစေ့ထုတ်ပြောင်းကို ပုံမှန်တင်ပို့နေတာဖြစ်ပြီး ကားအစီး(၄၀၀)ဝန်းကျင် တင်ပို့နေတာဖြစ်တယ်လို့ မြန်မာနိုင်ငံပြောင်းလုပ်ငန်းအသင်းမှ ဥက္ကဌ ဦးမင်းခိုင်က ပြောပါတယ်။

အစေ့ထုတ်ပြောင်းကို အခု ဒီလဆန်းကနေစပြီး တင်ပို့နေတာပါ။ တစ်နေ့ကိုအစီး (၄၀၀) လောက်တော့ သွားနေပါတယ်။ တန်ချိန်(၁)သန်းလောက်တော့ တင်ပို့မယ်လို့မျှော်မှန်းထားပါတယ်

မြန်မာ့အစေ့ထုတ်ပြောင်းကို ဖေဖေါ်ဝါရီ(၁)ရက်နေ့မှ စတင်တင်ပို့နေတာဖြစ်ပြီး အခုလက်ရှိအချိန်ထိ ကားအစီးရေ (၉၆၀၀)တင်ပို့ပြီးပြီဖြစ်ကြောင်းလည်း အဆိုပါအသင်းမှ သိရပါတယ်။

ထိုင်းနိုင်ငံမှ မြန်မာ့အစေ့ထုတ်ပြောင်းကို ၁.၂၅ တန် ဝယ်ယူရန် ကမ်းလှမ်းခဲ့တာဖြစ်ကြောင်းလည်း သိရပါတယ်။

မြန်မာ့အစေ့ထုတ်ပြောင်းကို ထိုင်းနိုင်ငံနဲ့ တရုတ်နိုင်ငံကို တင်ပို့နေတာဖြစ်ကြောင်းလည်း မြန်မာနိုင်ငံ ပြောင်းလုပ်ငန်းအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ