ဧရာဝတီမြစ်ဝကျွန်းပေါ်ဒေသ စပါးမျိုးစေ့ရပ်ဝန်းနှင့် ချိတ်ဆက်လုပ်ဆောင်ခြင်း အခမ်းအနားကျင်းပ

တတိယအကြိမ် ဧရာဝတီမြစ်ဝကျွန်းပေါ်ဒေသ စပါးမျိုးစေ့ရပ်ဝန်းနှင့် ချိတ်ဆက်လုပ်ဆောင်ခြင်း အခမ်းအနားကို မနေ့က ပုသိမ်မြို့ ၊ ပုသိမ်ဟိုတယ်မှာ ကျင်းပခဲ့ကြောင်း သိရပါတယ်။

စပါးမျိုးစေ့ထုတ်လုပ်ဖွံ့ဖြိုးမှုတိုးတက်ရေးအတွက်အထောက်အကူပြုစေရန် ရည်ရွယ်ပြုလုပ်တာဖြစ်တယ်လို့ မြန်မာနိုင် ငံ ဆန်စပါးအသင်းချုပ်မှ ဒုတိယဥက္ကဌ ဦးသောင်းဝင်းကပြောပါတယ်။

“ဧရာဝတီတိုင်းမှာ မျိုးစေ့ထုတ်လုပ်မှု ဖွံ့ဖြိုးတိုးတက်ရေးကို အဓိကထားတာပေါ့နော်။ မြို့နယ် ငါးခု ရဲ့ မျိုးထုတ်တောင် သူ (၅၀) လောက်ကို ဖွံ့ဖြိုးတိုးတက်ဖို့လုပ်ပေးတယ်။ မျိုးစေ့ ဈေးကွက်ပေါ်ပေါက်လာစေဖို့လည်း ဆွေးနွေးတယ်။ ထပ်ပြီးတော့ မျိုးစေ့ဖွံ့ဖြိုးတိုးတက်ဖို့အတွက် ဆက်လက် လုပ်ဆောင်သွားမှာပါ”

အဆိုပါအခမ်းအနားမှာ မျိုးစေ့ထုတ်ကဏ္ဍ ၊ ကန်ထရိုက်လယ်ယာကဏ္ဍ ၊ အရည်အသွေးမြင့် အထွက်ကောင်းမျိုးစပါးများ စိုက်ပျိုးထုတ်လုပ်ခြင်း ကဏ္ဍတို့ကို ဆွေးနွေးခဲ့ကြောင်း သိရပါတယ်။

ဧရာဝတီမြစ်ဝကျွန်းပေါ်ဒေသ မျိုးစေ့ရပ်ဝန်း ချိတ်ဆက်လုပ်ဆောင်ခြင်းကို ၂၀၁၇ ခုနှစ်မှစ တင်ကာ ၂၀၁၉ ခုနှစ်ထိ လုပ်ဆောင်နေပြီး ဆက်လက်လုပ်ဆောင်သွားမှာဖြစ်ကြောင်း အဆိုပါအသင်းချုပ်မှ သိရပါတယ်။

အဆိုပါအခမ်းအနားကို စိုက်ပျိုးရေးဦးစီးဌာန ၊ မြန်မာနိုင်ငံဆန်စပါးအသင်းချုပ်နဲ့ ဂျာမနီနိုင်ငံ WHH အဖွဲ့တို့မှ ပူးပေါင်းကျင်းပခဲ့တာဖြစ်ကြောင်းလည်းသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ