နာနတ်သီးကို ကောင်းမွန်သောစိုက်ပျိုးရေးအလေ့အကျင့် (GAP)လက်မှတ်ရရှိရန်ဆောင်ရွက်နေ

မြန်မာ့နာနတ်သီးကို ကောင်းမွန်သော စိုက်ပျိုးရေးအလေ့အကျင့်(GAP)လက်မှတ်ရရှိရန် စီစဉ်ဆောင်ရွက်နေကြောင်း မြန်မာနိုင်ငံ နာနတ်သီးစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ပြည်ပစျေးကွက်ထိုးဖောက်နိုင်ရန်အတွက် ဒေသရှိတောင်သူများကို ကောင်းမွန်သောစိုက်ပျိုးရေး အလေ့အကျင့်(GAP) လက်မှတ်ရရှိရန်အတွက် စီစဉ်ဆောင်ရွက်နေတာဖြစ်ကြောင်း မြန်မာနိုင်ငံ နာနတ်သီးစိုက်ပျိုး ထုတ်လုပ်တင်ပို့ရောင်းချသူများ အသင်းမှ အတွင်းရေးမှူးဦးစိုင်းကျော်ညွှန့်ကပြော ပါတယ်။

“ နာနတ်သီးကို ပြည်ပစျေးကွက်ထိုးဖောက်နိုင်ဖို့အတွက် စီစဉ်လုပ်ဆောင်နေပါတယ်။ အရင်တစ်ပတ်က တောင်သူတွေကို ကောင်းမွန်သော စိုက်ပျိုးရေးအလေ့အကျင့် (GAP)အမြင်ဖွင့်သင်တန်း ဖွင့်ပေးနေပါတယ်” မြန်မာ့နာနတ်သီးကို ရှမ်းပြည်နယ်(မြောက်ပိုင်း)မှာ အများဆုံးစိုက်ပျိုးတာဖြစ်ပြီး နာနတ်စိုက်ဧကပေါင်း (၃၀၀၀၀)ခန့် စိုက်ပျိုးထားတာဖြစ်ကြောင်းလည်း အဆိုပါအသင်းမှ သိရပါတယ်။

မြန်မာ့နာနတ်သီးကို တန်ဖိုးမြှင့်ထုတ်ကုန်ထုတ်လုပ်ကာတင်ပို့နိုင်ရန်အတွက် ထိုင်းနိုင်ငံနဲ့ဆက်လက်ဆွေးနွေး လုပ်ဆောင်နေတာဖြစ်ကြောင်းလည်း မြန်မာ့နာနတ်သီးစိုက်ပျိုးထုတ်လုပ်တင်ပို့ရောင်း ချသူများအသင်းမှသိရပါတယ်။

တိုးတိုးခိုင်(ABM)