အစိမ်းရောင်လမ်း
Greenovator
ဖရဲစိုက်တောင်သူများရဲ့ တွေ့ကြုံနေရတဲ့ အခက်အခဲများကို ဖြေရှင်းနိုင်ရန်အတွက် အသင်းအနေနဲ့ စီစဉ်ဆောင်ရွက်မှုများ လုပ်ဆောင်နေကြောင်း စစ်ကိုင်းတိုင်းဒေသကြီး ဖရဲ ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။
ဖရဲတန်ချိန်မှန်ကန်စေရေး၊ ကတ္တားတူညီစေရေးနဲ့ တင်ပို့မှုမကြန့်ကြာစေရေးတို့အတွက် စစ်ကိုင်းတိုင်းဒေသကြီး ဖရဲ ၊သခွား စိုက်ပျိုးထုတ်လုပ် တင်ပို့ရောင်းချသူများအသင်းအနေနဲ့ စီစဉ်လုပ်ဆောင်သွားမှာဖြစ်တယ်လို့ ဥက္ကဠ ဦးစိုးလွင်ကပြောပါတယ်။
မြန်မာ့ဖရဲကားများ တန်ချိန်တစ်ညီတည်းဖြစ်ဖို့အတွက်ပါ။ တစ်ချို့ကားဂိတ်တွေမှာ သတ်မှတ်တန်ထက် လျော့နေလို့ တောင်သူတွေ အသီးတွေတင်ရချရတာတွေလည်း ရှိတယ်။ တောင်သူတွေ ဒဏ်ရိုက်ခံရတာတွေလည်းရှိတယ်။ တစ်ဖက်ကတ္တားမှာ တန်ချိန်မတူညီတာတွေဖြစ်တယ်။ အဲဒါကြောင့် အသင်းအနေနဲ့ မကြန့်ကြာအောင်လို့ စီစဉ်ဆောင်ရွက်နေတယ်
ဖရဲစိုက်တောင်သူများရဲ့ တင်ပြလာတဲ့အခက်အခဲများအပေါ် ဆောင်ရွက်သွားနိုင်ဖို့အတွက် သက်ဆိုင်ရာဌာနများနဲ့ ပူးပေါင်းကာ စီစဉ်ဆောင်ရွက်သွားမှာဖြစ်ကြောင်း သိရပါတယ်။
မြန်မာ့ဖရဲကို စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနဲ့ ပဲခူးတိုင်းဒေသကြီးတို့မှာ အများဆုံးစိုက်ပျိုးထားရှိကြောင်း သိရပါတယ်။
မြန်မာ့ဖရဲကို တရုတ်နိုင်ငံကို အဓိကထားတင်ပို့နေတာဖြစ်ကြောင်းလည်း စစ်ကိုင်းတိုင်းဒေသကြီးဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။
တိုးတိုးခိုင်(ABM)
Greenovator ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}