ပဲပုပ်သီးနှံကို တောင်သူများအတွက် ထောက်ခံချက်ပေးနိုင်ရန် သုတေသနလုပ်ဆောင်သွားမည်

ပဲပုပ်သီးနှံကို တောင်သူများအတွက် ထောက်ခံချက်ပေးနိုင်ရန် ဆက်လက်သုတေသနပြု လုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

ပဲပုပ်သီးနှံရဲ့ အထွက်နှုန်းအနေအထားများ တောင်သူများ တိတိကျကျသိရှိစေနိုင်ရန်အတွက် သုတေသနပြု လုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦး ကပြောပါတယ်။

“ပဲပုပ်အတွက် သီးသန့်ထုတ်တဲ့ အဏုဇီဝကို အသုံးပြုရတာပေါ့။ တောင်သူတွေကို တိတိကျကျ အထွက်ဘယ်လောက်ရှိလဲ၊ ကုန်ကုစရိတ်ဘယ်လောက်ရှိမလဲ ဒါတွေကိုသိနိုင်ဖို့ သုတေသနပြု လုပ်ဆောင်သွားမှာပါ”

စိုက်ပျိုးထားတဲ့ အခြားပဲပုပ်ပင်များနဲ့ နှိုင်းယှဉ်ပါက ပိုမိုကျန်းမာသန်စွမ်းခြင်း၊ အရွက်အရောင်ပိုမိုစိမ်းစိုခြင်း ၊ ရောဂါပိုးမွှား ကျရောက်မှုဒဏ်ခံနိုင်ခြင်း လက္ခဏာများကို တွေ့ရှိခဲ့တာဖြစ်ကြောင်း အဆိုပါဌာနမှ သိရပါတယ်။

ပဲပုပ်သီးနှံအတွက် ပဲမြစ်ဖုဇီဝမြေသြဇာ၊ တွဲဖက်အသုံးပြုသင့်သည့် ဓါတ်မြေသြဇာနှုန်းထားများကို ပဲပုပ်စိုက်တောင်သူများ ထောက်ခံချက်ပေးနိုင်ရန်အတွက် ဆက်လက်လုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ