ဝဥ၊ ကော်ဖီနှင့် ထောပတ် ဈေးကွက်ချိတ်ဆက်နိုင်ရေး ဆောင်ရွက်သွားမည်

ချင်းပြည်နယ်မှာ ဝဥ၊ ကော်ဖီနှင့် ထောပတ်တို့ကို ဈေးကွက်ချိတ်ဆက်နိုင်ရေးအတွက် စီစဉ်ဆောင်ရွက်သွားမှာဖြစ် ကြောင်း မြန်မာနိုင်ငံ သစ်သီးဝလံ၊ ပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ချင်းပြည်နယ်ရှိတောင်သူများ ဝဥ၊ ထောပတ်နဲ့ အခြားသီးနှံများကို စီးပွားဖြစ်စိုက်ပျိုးရေးနဲ့ ဈေး ကွက်ချိတ်ဆက်နိုင်ရေးတို့အတွက် စီစဉ်ဆောင်ရွက်သွားမှာဖြစ်တယ်လို့ မြန်မာနိုင်ငံသစ်သီးဝလံ ၊ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးကျော်သူက ပြောပါတယ်။

“ဝဥ၊ ထောပတ်နဲ့ အခြားသီးနှံတွေ စီးပွားဖြစ်စိုက်ပျိုးနည်းနဲ့ တောင်သူတွေတွက်ခြေကိုက်ဖို့ဆွေးနွေးခဲ့တာပေါ့။ စိုက် ပျိုးရေးဦးစီးဌာနနဲ့ ပူးပေါင်းလုပ်သွားဖို့ရှိတယ်။ ဝဥ၊ ထောပတ်၊ ကော်ဖီတို့နဲ့ ပတ်သက်ပြီး ဆွေးနွေးညှိနှိုင်းပွဲတွေကတော့ ဆက်တိုက်ဆက်လုပ်သွားမှာပါ”

ချင်းပြည်နယ်ရှိ ကန်ပက်လက်၊ မင်းတပ် နဲ့မတူပီမြို့နယ်များမှာ ထောပတ်၊ ကော်ဖီနဲ့ ဝဥသီးနှံများ တန်ဖိုးမြှင့်ကွင်းဆက် အဆင့်မြှင့်တင်ခြင်းစီမံကိန်းများကို ဆောင်ရွက်သွားမှာဖြစ်ပြီး ဖလမ်း ၊ တီးတိန် နဲ့ပလက်ဝမြို့များမှာလည်း စီစဉ်ဆောင်ရွက်သွားမှာဖြစ်ကြောင်း သိရပါတယ်။

အဆိုပါစီမံကိန်းကို UKaid ၊ DaNa Facility ကူညီထောက်ပံ့မှုနဲ့ ပူးပေါင်းဆောင်ရွက် လုပ်ကိုင်သွားမှာဖြစ်ကြောင်း မြန်မာနိုင်ငံသစ်သီးဝလံ၊ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ