မြန်မာ့နာနတ်သီးကို တရုတ်နိုင်ငံကိုတင်ပို့နိုင်ရန် စီစဉ်ဆောင်ရွက်နေ

လာမယ့်နှစ်များမှာ မြန်မာ့နာနတ်သီးကို တရုတ်နိုင်ငံကိုတင်ပို့နိုင်ရန်အတွက် စီစဉ်ဆောင်ရွက်နေတယ်လို့ မြန်မာနိုင်ငံ နာနတ်သီးစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့နာနတ်သီးအရည်အသွေးကို တရုတ်နိုင်ငံအဖွဲ့တစ်ဖွဲ့မှ လာရောက်စစ်ဆေးသွားမှာဖြစ်ပြီး တင်ပို့နိုင်ရန်အတွက် ဆောင်ရွက်သွားမှာဖြစ်တယ်လို့ မြန်မာနိုင်ငံ နာနတ်သီးစိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးစိုင်းကျော်ညွှန့်ကပြောပါတယ်။

နာနတ်သီးရဲ့အရည်အသွေးတွေကို တရုတ်နိုင်ငံကနေလာစစ်မယ်။ အပင်တွေ အသီးတွေ လာစစ်ဖို့တော့လုပ်တယ်။ နယ်စပ်ဒေသကလည်း မငြိမ်းချမ်းသေးတာလည်းပါတယ်။ ဒီတိုင်းတင်ပို့ ဒီတိုင်းဝယ်ချင်လို့လည်းမရဘူး။ မူဝါဒတွေနဲ့ကိုက်ညီ မကိုက်ညီ စစ်ဆေးပြီးမှတင်ပို့လို့ရမယ်

မြန်မာ့နာနတ်သီးကို တရုတ်နိုင်ငံကိုတင်ပို့နိုင်ရန်အတွက်လည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနဲ့ မြန်မာနိုင်ငံ သစ်သီးဝလံပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ စီစဉ်လုပ်ဆောင်မှုများရှိနေကြောင်းလည်း အဆိုပါအသင်းမှ သိရပါတယ်။

မြန်မာ့နာနတ်သီးကို ရှမ်းပြည်နယ်(မြောက်ပိုင်း)မှာ အများဆုံးစိုက်ပျိုးတာဖြစ်ပြီး တရုတ်နိုင်ငံကို အဓိကထားတင်ပို့နေတာဖြစ်ကြောင်း မြန်မာနိုင်ငံ နာနတ်သီးစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ