မြန်မာ့လက်ဖက်ခြောက်ကို တရုတ်ကိုတင်ပို့နိုင်ရန် စီစဉ်ဆောင်ရွက်နေ

မြန်မာ့လက်ဖက်ခြောက်ကို တရုတ်ကိုတင်ပို့နိုင်ရန်အတွက် အဆင်သင့်ဖြစ်နေပြီး စီစဉ်လုပ်ဆောင်နေကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့လက်ဖက်ခြောက်တစ်တန်ကို တရုတ်ကိုတင်ပို့နိုင်ဖို့အတွက် အဆင်သင့်ဖြစ်နေပြီး မူဆယ်ကားလမ်းများ အခြေအနေပြန်ကောင်းပါက တင်ပို့သွားမှာဖြစ်ကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးဇော်ညွှန့်ကပြောပါတယ်။

" ဒီဘက်ကတင်ပို့ဖို့က အဆင်သင့်ဖြစ်နေပြီ။ ကားလမ်းအခြေအနေကြောင့်မို့လို့ တင်ပို့ဖို့မပို့ဖို့က ပြောလို့တော့မရသေးဘူး။ ပို့ဖိုကတော့စီစဉ်ဆောင်ရွက်နေပါတယ်။ ကုန်သွယ်ရေးကားလမ်း ပြန်ကောင်းပြီဆိုလို့ရှိရင်တော့ တင်ပို့နိုင်တော့မှာပါ”

တရုတ်နိုင်ငံကို မြန်မာ့လက်ဖက်အရည်အသွေးအလိုက် တင်ပို့ရန်စီစဉ်လုပ်ဆောင်နေပြီး ဈေးနှုန်းများ ပိုမိုရရှိစေရန် လုပ်ဆောင်သွားမှာဖြစ်ကြောင်း အဆိုပါအသင်းမှ သိရပါတယ်။

မြန်မာ့လက်ဖက်စိုက်ဧကပေါင်း (၂၂၀၀၀) ကျော်ရှိကြောင်း ပလောင်လက်ဖက်စိုက်ပျိုးထုတ်လုပ်တင်ပို့ရောင်းချသူများအသင်းမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ