အစိမ်းရောင်လမ်းပါဝင်ပစ္စည်းများ
အုပ်စု(၁)
၁။ စပါးခွံအမှုန့်
၂။ စူပါဘိုကာရှီ
၃။ ဖွဲနု
၄။ သဲနု
အုပ်စု (၂)
၁။ အီးအမ်အပြင်း ၁ ဆ
၂။ တင်လဲရည် ၁ ဆ
၃။ ရေ ၉၈ ဆ
အုပ်စု(၁) ပစ္စည်းများကို ရောနယ်ပါ။ အုပ်စု(၂) ပစ္စည်းများကို ရောမွှေပါ။ ထို့နောက် အုပ်စု(၁) နှင့် (၂) ကို ရောနယ်၍ အစိုဓာတ် (၄၀%) ရအောင် ဘိုကာရှီလုပ်နည်းများအတိုင်း ဆောင်ရွက်ပါ။ ထို့နောက် ဘောလုံးများဖြစ်အောင် နေရိပ်ထဲတွင် (၃) ရက်ခန့် အခြောက်ခံထားပြီး အသုံးပြုနိုင်ပြီဖြစ်သည်။ သာဘာဝရေအိုင် ရေကန်များ ရေထုညစ်ညမ်းပါက ကန်ရေထု၏ (၀.၀၁% မှ ၀.၀၅%) အထိ နှစ်ပတ်တစ်ကြိမ် ကန်ရေသန့်လာသည်အထိ ထည့်ပေးရသည်။
သဘာဝပတ်ဝန်းကျင်တွင်ရှိသော အဏုဇီဝများသည် သက်ရှိရုပ်ကြွင်းများနှင့် ဩဂဲနစ်ပစ္စည်းများကို ပုပ်သိုးဆွေးမြေ့သောဖြစ်စဉ်ဖြင့် ချေဖျက်၍ အပုပ်နံ့ထွက်ခြင်းဖြစ်သည်။
အီးအမ်သည် ၎င်းတို့ကို မပုပ်သိုးဘဲ ဆွေးမြေ့သောဖြစ်စဉ်နည်းဖြင့် ချေဖျက်သဖြင့် အီးအမ်ထည့်ခြင်းအားဖြင့် အပုပ်နံ့မထွက်ခြင်းဖြစ်သည်။ ထို့ပြင် အီးအမ်ထဲတွင် အပုပ်နံ့ကို စားသုံးချေဖျက်သော အဏုဇီဝများပါသဖြင့် ရှိပြီးအပုပ်နံ့များကိုလည်း ပျောက်အောင်လုပ်နိုင်ပါသည်။
ဒေါက်တာမြင့်လွင် -အကျိုးပြုအဏုဇီဝ (အီးအမ်) နည်းပညာစာအုပ်မှ ထုတ်နှုတ်ဖော်ပြပါသည်။
Greenovator ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}