နွားနို့မှ ထောပတ်ဆီ(အဆီ)ထုတ်လုပ်နည်း

10/04/2020 11:30 AM တွင် MDEP MDEP မှ ရေးသား ပြီး MDEP MDEP မှ ပေးပို့ထားပါသည်။

အရင်နေ့ကတော့ နွားနို့ကနေထောပတ် (မခမ်း) လုပ်နည်းလေးတင်ပေးပြီးသွားပါပြီ။ ဒီနေ့တော့ ထောပတ် (အဆီ) ထုတ်နည်းလေးကြည့်ကြရအောင်။

(၁) နွားနို့မှ အဆီ(ခရင်ဆီ)ကို အဆီလှည့်စက်ဖြင့် ထုတ်ယူပါ။

(၂) ခရင်ဆီထဲသို့ ဒိန်ချဉ်အနည်းငယ်ထည့်ပြီး ၈နာရီခန့်ထားပြီး အချဉ်ဖောက်ပါ။(ထောပတ်ဆီအနံ့ပိုမွှေးပါသည်။)

(၃) အချဉ်ပေါက်ပြီး ခရင်ဆီကို သစ်သားယောင်းမ သို့မဟုတ် မွှေစက်ဖြင့်မွှေပါ။ ရေခဲရေထည့်ပြီး မွှေပေးပါက အဆီကွဲထွက်လာပါမည်။ အဖြူရောင်အရည်များကို သွန်ပစ်ပါ။

(၄) ၎င်းအဆီကို မီးအေးအေးဖြင့် အပူပေးပါ။ အိုးအောက်ခြေကို မကပ်အောင် အဆက်မပြတ်မွှေပေးပါ။

(၅) မိနစ်အနည်းငယ်ကြာလျှင် အဝါရောင်အဆီများ အပေါ်တက်လာပြီး အဖြူရောင်နို့အနှစ်များ အောက်ခြေတွင်စုနေပါမည်။

(၆) မိနစ်အနည်းငယ်ကြာသောအခါ နို့အနှစ်များ ရွှေဝါရောင်သို့ပြောင်းပြီး ထောပတ်ဆီနှင့် ကွဲထွက်သွားပါက မီးပိတ်ပြီး အအေးခံ၍ အဆီကိုစစ်ထုတ်ပါ။

(၇) ထောပတ်ဆီ (အဆီ)ကို ရပါပြီ။ ပုလင်းတွင်ထည့်ပြီး အဖုံးလုံအောင်ပိတ်ထားပါ။

(၈) ရေခဲသေတ္တာတွင်မထည့်ဘဲ အပြင်အခန်းအပူချိန်တွင် အဖုံးမဖွင့်ဘဲထားပါက ၉ လ ကျော်ခန့် သိမ်းထားနိုင်ပါသည်။ အဖုံးဖွင့်ပြီး သုံးနေလျှင် ၃လ ကျော်ခန့် အထားခံပါသည်။ ရေခဲသေတ္တာတွင် ထားပါက ၁ နှစ်မှ ၃ နှစ်ခန့်ထိ သိမ်းထားနိုင်ပါသည်။


East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်