MDEP
MDEP
ယခုအချိန်ကာလတွင် Covid-19 ရောဂါ ကူးစက်ပြန့်ပွားနေမှုကြောင့် နို့စားနွားမွေးမြူထုတ်လုပ်သူ တောင်သူများအနေဖြင့် နွားနို့များ ရောင်းချရမှုနည်းပြီး ပိုနေသောနွားနို့များကို ကြာရှည်အထားခံ/ သိုလှောင်သိမ်းဆည်းနိုင်မည့် ထုတ်ကုန်ပစ္စည်းများ ထုတ်လုပ်ခြင်းဖြင့် အခက်အခဲများကို ဖြေရှင်းရာတွင် အထောက်အကူအချို့ဖြစ်စေရန် အလို့ငှာဖြစ်ပါသည်။
(ထောပတ်လုပ်နည်းကို သိနှင့်ပြီး ကျွမ်းကျင်ပြီးသော လုပ်ငန်းရှင်များကိုလည်း လေးစားလျှက် မိမိ၏ အတွေ့အကြုံအရ ထောပတ်လုပ်နည်းကိုဝေမျှလိုက်ရပါသည်။)
(၁) နွားနို့မှ အဆီ (ခရင်ဆီ) ကို အဆီလှည့်စက်ဖြင့်ထုတ်ယူပါ။
(၂) ခရင်ဆီကို ရေခဲသေတ္တာတွင် ၂၄ - ၄၈ နာရီခန့် ထားပြီး အအေးခံ၍ နှပ်ထားပါ။ အချိန်ကြာကြာထားလေ အဆီများနပ်၍ အဝါရောင်ဖျော့ဖျော့ဖြစ်လာပါမည်။
(၃) ရေခဲသေတ္တာထဲမှထုတ်ပြီး မွှေစက် သို့မဟုတ် သစ်သားယောင်းမဖြင့် မွှေပေးပါ။ အဆီနှင့်အရည် ကွဲထွက်သည်အထိ မွှေပေးရပါမည်။ ရေခဲရေထည့်ပြီးမွှေပေးပါက အဆီများလုံးပြီး သီးခြားကွဲထွက်လာပါမည်။
(၄) ထွက်လာသော နွားနို့အနောက်ရည်များကို သွန်ပစ်ပြီး ရေခဲရေဖြင့် ၂ - ၃ ကြိမ်ခန့် ပြန်ထည့်ပြီး ရေဆေးပေးပါ။ နွားနို့အရောင် အဖြူရောင်ကုန်သည်အထိ ဆေးပေးလျှင် ပို၍ကြာကြာအထားခံပါသည်။
(၅) ပြီးလျှင် မိနစ် ၃၀ ခန့် ရေစစ်ထားပြီး သစ်သားယောင်းမဖြင့် လုံးသွားအောင် ရိုက်ပေးပါ။ ရေအကုန်ထွက်သွားစေရန် ဖြစ်ပါသည်။
(၇) ပေါင်မုန့်/နံပြားနှင့် တွဲစားရန်အတွက် ဆားအနည်းငယ်ထည့်ပြီးနယ်ပါ။ မုန့်လုပ်ငန်းများတွင် အသုံးပြုလိုပါက ဆားမထည့်ရပါ။
(၈) ရေစစ်ပြီးလျှင် လေးထောင့်ပုံစံခွက်တစ်ခုတွင်ပလတ်စတစ်ခင်းပြီး ထောပတ်များကို သိပ်ထည့်ပါ။ ပလတ်စတစ်ဖြင့် သေချာထုပ်ပိုးပါ။ ထို့နောက် ရေခဲသေတ္တာတွင် ၂ နာရီခန့်ထားပါက အတုံးအထုပ်လိုက်ကို ထုတ်ယူနိုင်ပါသည်။
(၉) ရေရှည်သိမ်းထားလိုလျှင် ရေခဲသေတ္တာ၏ အောက်ထပ်အခန်းတွင်ထားပါက ၆ လမှ ၈ လအထိ အထားခံပြီး အပေါ်ထပ် အခဲအခန်းတွင်ထားပါက နှစ်ပေါက်တဲ့အထိ အထားခံပါသည်။ (မိမိ၏ အိမ်တွင် ၂ နှစ်ခန့် လက်တွေ့ထားဖူးပါသည်။)
Greenovator ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
Login With Google
{{ question.title }}