နွားနို့မှ မလိုင်လုံးအချိုပြုလုပ်ခြင်း

လိုအပ်သောပစ္စည်းများ (မလိုင်လုံး ၁၅ လုံးခန့်အတွက်)

- အဆီပြည့်နွားနို့ - ၁လီတာ (၆၀ကျပ်သားခန့်)

- သံပရာရည် - လက်ဖက်ရည်ဇွန်း ၂ဇွန်း

- သကြား - လက်ဖက်ရည်ခွက် ၂ ခွက်

- ရေ - လက်ဖက်ရည်ခွက် ၈ခွက်

- ဖာလာစေ့ - ၂ - ၃ စေ့ခန့်

ဘာတွေလုပ်မလဲ

- နွားနို့ကို ဆူအောင်အပူပေးပါ။ သံပုရာရည် ၂ ဇွန်းထည့်ပြီး မွှေပေးပါ။ နွားနို့များကို အခဲနှင့် အရည်ကွဲသည်အထိ အပူပေးပြီး မွှေပေးပါ။

- နို့ခဲများကို ပိတ်စဖြင့် စစ်ယူပြီး ရေအေးအေးဖြင့်ဆေးပေးပါ။ သံပုရာရည်အချဉ်များ ကုန်သွားစေရန်ဖြစ်သည်။

- ပိတ်စဖြင့်ထုပ်ကာ ရေများစစ်ထုတ်ပြီးနောက် မိနစ် ၃၀ ခန့် ရေစစ်ထားပါ။

- ရေစစ်ပြီးနောက် နို့ခဲများကို ကောင်းစွာနယ်ပေးပါ။ ဂျုံမှုန့်နယ်သကဲ့သို့ နို့ခဲများကြေညက်သွားသည်အထိ နယ်ပေးပါ။ ထို့နောက် အလုံး ၁၅ လုံးခန့်ရအောင် လုံးထားပါ။

- သကြား ၂ ခွက်နှင့် ရေ ၈ ခွက်ကို ၁၀ မိနစ်ခန့် ကျိုပြီး ဖာလာစေ့ကို ၂ - ၃ စေ့ ထောင်းထည့်ပါ။

- လုံးထားသော မလိုင်လုံးများကို သကြားရည်ထဲတွင်ထည့်ပြီး ၁၅ မိနစ်ခန့် ပြုတ်ပါ။ အဖုံးအုပ်ထားပါ။ - မလိုင်လုံးများ အရွယ်အစား ၂ ဆခန့်ကြီးလာပြီး သကြားရည်အပေါ်သို့ ပေါ်လာလျှင် အအေးခံပြီး သိမ်းပါ။ ရေခဲသေတ္တာတွင်သိမ်းပါက ၁၀ ရက်ခန့် အထားခံသည်။

- အချိုပွဲအဖြစ် သုံးဆောင်နိုင်ပါသည်။ ဒေသထွက်လက်ဆောင်အဖြစ် ရောင်းချနိုင်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ