ဒူးရင်းသီးယို ထိုးစားကြရအောင်

ဒူးရင်းသီးကြိုက်တဲ့ တောင်သူဦးကြီးတွေ အိမ်ရှင်မတွေရှိပါသလား။ ဒူးရင်းသီးကို အသီးအတိုင်း စားနေကြတုန်းပဲလား။ တစ်ခါတစ်လေ ဒူးရင်းသီးဝယ်လာပြီး အရသာမကောင်းတာမျိုးနဲ့ ကြုံရင် ပစ်လိုက်ကြတာလား။ အရမ်းနှမြောဖို့ ကောင်းပါတယ်။ မစွန့်ပစ်ဘဲ ယိုအနေနဲ့ ထိုးစားမယ်ဆိုရင်ရော။ တကယ်တော့ ယိုထိုးနည်းက လွယ်လွယ်လေးပါနော်။ အခုလို ရောဂါရှောင်တဲ့ကာလ အိမ်မှာလုပ်စားရအောင် ယိုထိုးနည်းလေး လေ့လာကြည့်ကြရအောင်ဗျ။

ပါဝင်ပစ္စည်းများ

ဒူးရင်းသီး တစ်လုံး (အစိမ်းရရင် ပိုကောင်းပါတယ်၊ အသားထူပါတယ်)

သကြား ၅ ဇွန်း

နေကြာဆီ ၃ ဇွန်း

ရေအနည်းငယ်

ပြုလုပ်နည်း

- အရင်ဆုံး သကြား ၂ ဇွန်းကို ရေနည်းနည်းလေး ထည့်ပြီးကျိုလိုက်ပါ။

- သကြားရေ အိုးကပ်ပြီး ညိုလာတဲ့အခါ အသားနွှင်ထားတဲ့ ဒူးရင်းသီးတွေကို ထည့်ပြီး ရေ အနည်းငယ်ထည့်ကာ အဆက်မပြတ်မွှေပေးပါ။

- ကျန်သကြား ၃ ဇွန်းထည့်ပြီး ဆက်မွှေပေးပါ။

- ဒူးရင်းသီး မနွမ်းမချင်း (၁၀ မိနစ်ခန့်) အဆက်မပြတ်မွှေပြီးတဲ့အခါ ရေခမ်းခါနီးမှာ ဆီ ၃ ဇွန်းကို ထည့်ပါ။ ရေလုံးဝခမ်းပြီး မရှိတော့တဲ့အထိ ဆက်တိုက်မွှေပေးပါ။

- ရေမကျန်တော့ဘဲ ဆီလေးနဲ့ ထွေးထွေးလေး ကျန်တဲ့အခါ အိုးချ အအေးခံပြီး စားသုံးနိုင်ပါပြီ။

သကြားရည် အညိုရောင်လေးကြောင့် ဒူးရင်းယို အရောင်လေးကလည်းလှပြီး မိမိအိမ်မှာပဲ လုပ်စားလို့ရတဲ့အတွက် သန့်သန့်ရှင်းရှင်းနဲ့ စားသုံးလို့ရပါတယ်နော်။

ဇင်ထူးနိုင်

ကိုးကားချက် - we.com.mm

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)