ဝါးမီးသွေးကို ပြည်ပနိုင်ငံများကို တင်ပို့နိုင်ရန် စီစဉ်ဆောင်ရွက်သွားမည်

ဝါးမီးသွေးကို ပြည်ပနိုင်ငံစျေးကွက်များကို တင်ပို့နိုင်ရန်အတွက် စီစဉ်ဆောင်ရွက်နေတာဖြစ်တယ်လို့ မြန်မာနိုင်ငံဝါးစိုက်ပျိုးရေးအသင်းမှ သိရပါတယ်။

ဝါးမီးသွေးကို သင်တန်းများပေးပြီး တစ်ပိုင်တစ်နိုင်လုပ်ကိုင်သူများအပါအဝင် စုပေါင်းကာ နိုင်ငံတကာစျေးကွက်ကို တင်ပို့နိုင်ရန်အတွက် စီစဉ်ဆောင်ရွက်နေတာဖြစ်တယ်လို့ မြန်မာနိုင်ငံ ဝါးစိုက်ပျိုးရေးအသင်းမှ ဥက္ကဌ ဦးဝင်းကျော်ဦးကပြောပါတယ်။

“အခုက ဝါးမီးသွေးကိုလည်းသင်တန်းတွေပေးနေပါတယ်။ ဝါးကို တစ်ပိုင်တစ်နိုင်လုပ်နေတဲ့သူတွေအတွက်လည်း တန်ချိန်တွေစုပေါင်းပြီးတော့ နိုင်ငံတကာစျေးကွက်တွေကို တင်ပို့ဖို့ကိုလည်း ဆောင်ရွက်သွားမှာပါ”

မြန်မာ့ဝါးမှာ ပြည်ပကပေးတဲ့စျေးနှုန်းများထက် ပြည်တွင်းစျေးနှုန်းမှာ ပိုမိုရရှိနေတာဖြစ်တဲ့အတွက် ပြည်ပနိုင်ငံများကို တင်ပို့မှုမရှိသေးတာဖြစ်ကြောင်းလည်း အဆိုပါအသင်းမှ သိရပါတယ်။

အခုလအတွင်း မြန်မာ့ဝါးကို ဝယ်ယူနိုင်ဖို့အတွက် ပြည်ပနိုင်ငံများမှာ လာရောက်ကမ်းလှမ်းမှုများရှိနေပြီး တွေ့ဆုံဆွေးနွေးညှိနှိုင်းမှုများရှိခဲ့ကြောင်းလည်း မြန်မာနိုင်ငံ ဝါးစိုက်ပျိုးရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ