အချဉ်ဖောက်ထားသော အရွက်အရည်ပြုလုပ်နည်း

အချဉ်ဖောက်ထားသော အရွက်အရည်ပြုလုပ်ရာတွင်

လိုအပ်သောပစ္စည်းများ

အပင်အရွက်နှင့်အမြစ်များ
အပင်များ၏ အဖူး၊ အသီးနု
သကြားကြမ်း

အချိုးအစား

အသီးအရွက်အလေးချိန် ထက်ဝက် (သို့) သုံးပုံတစ်ပုံရှိ သကြားကြမ်းနှင့်ရောပါ။

ပြုလုပ်နည်း

ခူးယူပြီးသော အပင်များကို နုပ်နုပ်စဉ်းထားပြီး သကြားကြမ်းနှင့်ရောပါ။ ရောထားပြီးသားအရောကို စဉ့်အိုး (သို့) ပလပ်စတစ်အိုးတွင် ဖိသိပ်ထည့်ပါ။

အရွက်အသီးပါဝင်ပစ္စည်း၏ ထက်ဝက်ခန့်ရှိသော ကျောက်တုံးဖြင့် တစ်ရက်ဖိသိပ်၍ လေထွက်စေအောင်ပြုလုပ်ပါ။

အပင်များထည့်ထားသောပစ္စည်းသည် အိုး၏ သုံးပုံနှစ်ပုံကျန်ရစ်နေရမည်။ စက္ကူစဖုံး၍ ကြိုးဖြင့်လုံအောင်ချည်ကာ အေး၍ မှောင်သောနေရာတွင် ၅-၁၀ ရက်ထားပါ။

အရက်အနံ့၊ အချိုအနံ့ထွက်လျှင် အပင်အဖတ်များဖယ်ပါ။ ဒါဆိုရင်အသုံးပြုလို့ရပါပြီ။

အချဉ်ဖောက်ထားသော အရွက်အရည်ကို အေး၍မှောင်သောနေရာတွင်ထားသိုပါ။

အသုံးဝင်ပုံ

မြေတွင်းအဏုဇီဝသက်ရှိများ၏ လုပ်ဆောင်မှုကို မြန်စေပြီး အပင်အားဖျန်းပေးခြင်းဖြင့် တိုက်ရိုက်အကျိုးဖြစ်ထွန်းစေသည်။

တိရစ္ဆာန်နေရာထိုင်ခင်းပြုလုပ်ရာတွင် တိရစ္ဆာန်အညစ်အကြေးများ၊ အစာများပုပ်သိုးဆွေးမြည့်မှုကို လျင်မြန်စေသည်။

အားနည်းနေသော တိရစ္ဆာန်များ၏ အစာလမ်းကြောင်းရှိ အဏုဇီဝသက်ရှိများ၏လုပ်ဆောင်မှုစွမ်းရည်ကို တိုးတက်သေလိုလျှင် တိုက်ကျွေးနိုင်သည်။

အသုံးပြုပုံ

အရွက်အချဉ်ဖောက်ရည်ကို ပြင်းအား ၀.၁% မှ ၀.၂ % (ရေ၂ဂါလံလျှင် အရည်ဟင်းခတ်ဇွန်း တစ်ဇွန်း(သို့) နှစ်ဇွန်းရအောင် ဖျော်စပ်အသုံးပြုနိုင်ပါသည်။

အပတ်စဉ်တင်ပေးလျက်ရှိနေသော သဘာဝကနေရတဲ့ အပင်အာဟာရ ပြုလုပ်နည်းတွေနဲ့ပတ်သတ်ပြီး ဦးကြီးတို့ ဗဟုသုတများရပြီး ပြုလုပ်ရလွယ်ကူပြီး အကျိုးဖြစ်ထွန်းစေဖို့ရည်ရွယ်ပါတယ်။

အရင်တစ်ပတ်ကတင်ထားသော “ စူပါအီးအမ်ဘိုကာရှီပြုလုပ်နည်း (၂)” ကို စာတန်းကိုနှိပ်ပြီးလေ့လာနိုင်ပါတယ်။

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ(ငြိမ်း) ဒေါ်မြမြရေးသားသော အိမ်နှင့်ကျောင်းဥယျာဉ်ခြံတည်ထောင်ခြင်း နည်းပညာလက်စွဲ စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟု ထည့်ပေးပါရန် မေတ္တာရပ်ခံအပ်ပါသည်။