ဒေသထွက် အကျိုးပြု အဏုဇီဝမြေသြဇာ

အိုင်အီးအမ်သည် အပင်များကို ကျန်းမာသန်စွမ်းစေပြီး ပိုးမွှားကျရောက်ခြင်းမှ ကာကွယ်ပေးပါသည်။ စွန့်ပစ်ပစ္စည်းများနှင့် အညစ်အကြေးများကို ပုပ်သိုးလွယ်စေသည့်အတွက် မြေဆီလွှာ၏ ရုပ်ဂုဏ်သတ္တိ၊ ဓာတ်ဂုဏ်သတ္တိ ပြုပြင်ပေးသော ဒေသအကျိုးပြုအဏုဇီဝ မြေသြဇာဖြစ်သည်။ အိမ်မွေးတိရစ္ဆာန်များအတွက်လည်း အလွန်အကျိုးရှိပါ သည်။

ဒေသထွက် အကျိုးပြုအဏုဇီဝမြေသြဇာ (အိုင်အီးအမ်)

အိုင်အီးအမ်ဆိုသည်မှာ အကျိုးပြု အဏုဇီဝမြေသြဇာ၏ အတိုချုပ်ဖြစ်သည်။ အိုင်အီးအမ်ဖျော်ရည်သည် ဝါညိုရောင်ရှိပြီး နှစ်လိုဖွယ်ကောင်းသောအနံ့နှင့် ချိုချဉ်သော အရသာရှိသည်။ ယင်းဖျော်ရည်သည် အက်စစ် (ရေထက် အက်စစ်ဓာတ် ၃.၅ ဆ ပိုများ) ဓာတ်ဖြစ်သည်။

ဒေသထွက်နည်းပညာမှ ပေါက်ပွားလာသော အလွန်သေးငယ်သည့် ပိုးမွှားများကြောင့် အော်ဂဲနစ်စွန့်ပစ်ပစ္စည်းများ အလွယ်တကူ ဆွေးမြေ့စေပါသည်။ အဏုဇီဝများသည် အလွန့်အလွန်သေးငယ်ပြီး သာမန်မျက်စိနှင့် မမြင်နိုင်ပါ။ ယင်းအဏုဇီဝပိုးမျာသည် သဘာဝဖြစ်သည့်နေရာတိုင်းတွင် တည်ရှိပါသည်။

အိုင်အီးအမ်၏ အကျိုးကျေးဇူးများ

မျိုးစေ့ကောင်းပြီး၊ အပင်ပေါက်နှုန်းကြီးထွားစေခြင်း၊ ပန်းပွင့်စောစေခြင်း၊ သီးနှံရင့်မှည့်မှု စောစေခြင်း။

- မြေဆီလွှာရှိ အကျိုးမပြုသည့် အဏုဇီဝများ မပေါက်ပွားအောင် ထိန်းချုပ်ပေးခြင်း။

- မြေဆီလွှာရှိ အကျိုးပြုသည့် အဏုဇီဝများ သီးနှံပင်မှ စုပ်ယူနိုင်ခြင်း။

- မြေအတွင်းရှိ အပင်အာဟာရဓာတ်များကို သီနှံပင်မှ စုပ်ယူနိုင်ခြင်း။

- အပင်၏ ခုခံအားကောင်းစေပြီး ရောဂါပိုးရောက်ခြင်းမှ ကာကွယ်ပေးခြင်း။

- မြေဆီလွှာကို ပြန်လည်ကောင်းမွန်စေပြီး၊ မြေဆီလွှာပြုပြင်ပေးခြင်း၊ ဇီဝအားကောင်းလာစေခြင်း။

- ကောက်ရိုးမြေဆွေးနည်းစနစ်မှာ အိုင်အီးအမ် အသုံးပြုခြင်းဖြင့် ဓာတုဓာတ် လျှော့ချပေးခြင်း။

- ကျန်းမာရေးအတွက် ဘေးကင်းလုံခြုံခြင်း။

- သဘာဝပတ်ဝန်းကျင် သန့်ရှင်းရေးမြှင့်တင်ပေးခြင်း၊

- အပုပ်အနံ့ဆိုးများ ကင်းပျောက်စေခြင်း။

- ရိတ်သိမ်းလွန် ထွက်ကုန်သီးနှံများ တာရှည်ခံခြင်း။

နည်းပညာကို အသင့်အသုံးပြုနိုင်ရန်အတွက် ကြိုတင်ပြင်ဆင်မှု အချိန် ၄၅ ရက် လိုအပ်ပါသည်။

အိုင်အီးအမ် ပြုလုပ်နည်း

- ငှက်ပျောသီး အပိုင်းအစများ (၁ ပိဿာ)

- သင်္ဘောသီး အပိုင်းအစများ (၁ ပိဿာ)

- ရွှေဖရုံသီး အပိုင်းအစများ (၁ ပိဿာ)

- ထန်းလျက် (၂ ပိဿာ) ကို ရေနှင့်ကျိုချက်ပြီး ရလာသည့်ဖျော်ရည်ကို အေးသောအခန်းတွင် ထားရမည်။

- ကြက်ဥအစိမ်း ငါးလုံး

ပြုုလုပ်နည်း အဆင့်ဆင့်

- ခုတ်ပြီးသား သစ်သီးအပိုင်းစများနှင့် ကြက်ဥများကို ဇလုံထဲတွင်ထည့်ပြီး လက်ဖြင့်နှံ့အောင်နယ်ပါ။

- အဆိုပါ အရောအနှောများကို မြေကြီးနှင့် လုပ်ထားသည့် စဉ့်အိုး (ရေ ပိဿာ ၅၀ ခန့်ဆံ့သည့်) ထဲတွင် ထည့်ပါ။

- ထို့နောက် ထန်းလျက်ရည်ကို လောင်းထည့်ပြီး မွှေပါ။

- စဉ့်အိုးထုထည်၏ သုံးပုံနှစ်ပုံ ရေထပ်ထည့်ပါ။ (၃၀ လီတာ)

- ထို့နောက် စဉ့်အိုးကို ပလတ်စတစ်အိတ်မဲဖြင့် အေး၍ခြောက်သွေ့ပြီး အရိပ်ရသည့်နေရာတွင် ၄၅ ရက် ထားပေးပါ။

- နှစ်ရက်၊ သုံးရက်ခြားတစ်ခါ စဉ့်အိုးကို နှစ်ပတ်အတွင်း လှုပ်ပေးပါ။ နှစ်ပတ်ပြည့်သွားလျှင် မျက်နှာပြင်တွင် အဖြူရောင် မှိုမျှင်များ တက်လာပါလိမ့်မည်။ အကယ်၍ မှိုမျှင်များ တက်မလာပါက အချိုရည် (သကြား ၂၅ ကျပ်သားဖျော်ရည်) ထပ်ရောပြီး သန့်ရှင်းသော တုတ်ချောင်းနှင့် ၁၀ ရက် တစ်ကြိမ် မွှေပေးပါ။)

- တစ်လခွဲ (၄၅ ရက်) ကြာပြီးနောက် ချွဲပျစ်သော အိုင်အီးအမ်ဖျော်ရည်များကို ရရှိလာမှာဖြစ်ပြီး အသုံးပြုရန်အတွက် အဆင်သင့် ဖြစ်နေပါပြီ။

အိုင်အီးအမ် အသုံးပြုပုံ

- ကောက်ရိုးမြေဆွး ပြုလုပ်ရာတွင် အိုင်အီးအမ်က အညစ်အကြေးများကို ပုပ်သိုးလွယ်စေသောကြောင့် ၅ လမှ ၈ လထိ စောင့်နေစရာမလိုပဲ ၃ လ မှ ၄ လ အတွင်းသာ ကြာပါသည်။

- အိုင်အီးအမ် ၃ လီတာနှင့် ရေ ၉ လီတာရှိရုံဖြင့် အလွှာ ၆ လွှာရှိသည့် ကောက်ရိုးမြေဆွေးတစ်ခု ပြုလုပ်နိုင်ပါသည်။

- တီကျစ်စာမြေဆွေး လုပ်ဆောင်ရာတွင် အိုင်အီးအမ်ကို အသုံးပြုပါက ၄ လ၊ ၅ လထိ စောင့်နေစရာမလိုဘဲ သုံးလခွဲခန့်သာ ကြာပါသည်။ တီကျစ်စာလုပ်နေစဉ်အတွင်း အိုင်အီးအမ်ကို တီကျစ်စာကန်ထဲသို့ ရောထည့်ပြီး အသုံးပြုနိုင်ပါသည်။

- ရေရောပြီးသော အီးအမ် လီတာ ၆၀ (အီးအမ် ၁ ဆ + ရေအဆ ၃၀၀ ) ကို စပါးစိုက်မည့်လယ်ကွင်းကို ဖျန်းပေးခြင်းအားဖြင့် အပင်များကြီးထွားဖွံ့ဖြိုးစေသည်။

အောက်ပါညွှန်းထားသည်အတိုင်း အသုံးပြုနိုင်ပါသည်။

စပါးစိုက်ပျိုးရန်အတွက် အသုံးပြုမည့်လယ်ကွင်းတွင် လယ်ယာပြင်ဆင်မှု ပြုလုပ်နေစဉ် မြေတစ်ဧကလျှင် လီတာ ၂၀ လောင်းပေးရမည်။ စိုက်ပြီး (၂) ပတ်ကြာပြီနောက် မြေတစ်ဧကလျှင် လီတာ ၂၀ ထပ်လောင်းပေးပါ။ စပါးစိုက်ပြီး (၆) ပတ်အကြာမှာ နောက်တစ်ဧကလျှင် လီတာ ၂၀ လောင်းပေးပါ။ အစက်ချစနစ်ဖြင့်လည်း ပက်ဖျန်းနိုင်ပါသည်။

- အသီးအရွက်များအတွက် (အီအမ် ၁ ဆ + ရေ အဆ ၅၀၀) ရောပေးရပါမည်။

- မျိုးစေ့များကို ၂၄ နာရီအတွင်း ရေရောပြီးသား အီးအမ် (အီးအမ် ၁ ဆ + ရေအဆ ၁၀၀) ထဲတွင် စိမ်ခြင်းအားဖြင့် မျိုးစေ့များ သန်မာစေပြီး အပင်ပေါက်နှုန်းကြီးထွားစေသည်။

- မြေယာပြင်ဆင်မှုမပြုလုပ်ခင်မှာ မြေယာမျာကို ပက်ဖျန်းပေးခြင်းအားဖြင့် မလိုအပ်သည့် ပေါင်းပင်၊ မြက်ပင်များကို ထိန်းချုပ်ပေးနိုင်သည်။ အီးအမ်ဖျန်းပြီးနောက် နှစ်ပတ်သုံးပတ်ကြာလျှင် မြက်ပင်များ ပေါက်ပွားခြင်းမရှိတော့ပါ။ ထို့နောက် လယ်များ စတင်ထွန်ယက်နိုင်ပါပြီ။

- ဓာတုဓာတ်မပါဘဲ ပိုးကောင်များကို တွန်းလှန်ပေးခြင်း။ တိရိစ္ဆာန်မှထွက်လာသည့် ယင်ကောင်များ၊ ရွပိုးများနှင့် အခြားသော ဒုက္ခပေးနိုင်သည့်ပိုးမွှားများ လျှော့ချပေးခြင်း၊ ပိုးမွှားကပ်ခြင်းမှ ကာကွယ်ပေးခြင်း၊ စိုစွတ်သော စွန့်ပစ်ပစ္စည်းများကို ဖျန်းခြင်းဖြင့်လည်း အနံ့ဆိုးမျာကို ဖယ်ရှားပေးသည်။

Source - Delta Technical Sheet

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ