လိမ္မော်သီးဝိုင် ပြုလုပ်နည်း

ဝိုင်လို့ပြောလိုက်တာနဲ့ အများစုပြေးမြင်တာက စပျစ်ဝိုင်ကိုပါ။ အခြားသစ်သီးတွေကနေလည်း ဝိုင်တွေထုတ်လုပ်လို့ ရတယ်ဆိုတာကိုတော့ လူသိနည်းကြပါတယ်ဗျ။ ဝိုင်တွေအများကြီးထဲကမှ အရသာရှိပြီး အိမ်မှာအလွယ်တကူလုပ်လို့ရတဲ့ လိမ္မော်သီးဝိုင် ပြုလုပ်နည်းလေးကို မျှဝေပေးချင်ပါတယ်ဗျ။

ပါဝင်သောပစ္စည်းများ

.ရေ(၂)ဂါလံ (၇လီတာ)

.ရင့်မှည့်နေသော လိမ္မော်သီး (၁၀)လုံး

.သံပုယိုသီး(၂)လုံး

.သကြား(၁)ပိဿာခွဲ

.တစေး(၂)ဇွန်း(yeast nutrient)

.တစေးဝိုင်တစ်ထုပ်(wine yeast)

ပြုလုပ်ပုံအဆင့်ဆင့်

ပထမအဆင့်

.ရေ(၂)ဂါလံကို ဆူပွတ်အောင် နာရီဝက်ခန့်ကြိုပါ။

.လိမ္မော်သီးများနဲ့သံပုယိုသီးများကို အခွံခွာပါ

.ထို့နောက်ဓားဖြင့် အသေးဆုံးအစိတ်အပိုင်းရောက်အောင် လှီးပါ။ Blender ရှိပါက Blender ထဲထည့်၍ ကြိတ်ပါ။

.ကြိတ်ခွဲထားသေား လိမ္မာ်သီးများကို အစေ့များပြောင်စင်အောင်ဖယ်၍ အချဥ်ဖောက်ရန်သုံးမည့် ပုံး (သို့မဟုတ်) ဗူး ထဲထည့်ပါ။

ဒုတိယ အဆင့်

.လိမ္မော်သီး ကြိတ်ခွဲစများ ထည့်ထားတဲ့ ဗူးထဲကို သကြား(၁ပိသာခွဲ)၊ တစေး (၂ဇွန်း)ကို ထည့်ရောပါ။

.၎င်းအရောအနှောထဲကို ကြိုချက်ထားသော ရေနွေးများထည့်ပါ။သကြားများအရည်ပျော်သွားအောင်ဇွန်းဖြင့် (၃-၅)မိနစ်ကြာ မွှေပေးပါ။

.ထို့နောက်ဗူးကို အဖုံးပိတ်၍ (၁-၂) နာရီကြာ အအေးခံပါ။

တတိယအဆင့်

.အအေးခံထားသောအရောအနှောဗူးထဲသို့ တစေးဝိုင် တစ်ထုပ်ထည့်၍မွှေပေးပါ။

.ထို့နောက်အဖုံးပြန်ဖုံး၍ တစ်ပတ်ကြာအချဥ်ဖောက်ပေးပါက တစေးကြောင့် သကြားမှ အယ်ကိုဟောအဖြစ်ပြောင်းသွားပါမည်။

.တစ်ပတ်ကြာအချဥ်ဖောက်ပြီးနောက် အရောအနှောဗူးထဲမှ အရည်များကိုသာ စစ်ယူ၍ အခြားဗူးထဲပြောင်းထည့်ပါ။

.ထို့နောက်နောက်ဆုံးစစ်ယူထားသောအရည်ဗူးကို လေလုံသောနေရာတွင် (၄-၅)လကြာ အချဥ်ဖောက်ပြီးပါက အရသာရှိသောလိမ္မော်ဝိုင်များကို သောက်ရန်အသင့်ဖြစ်ပါပြီဗျ။ တစ်နှစ်လောက်အထိ အချဥ်ဖောက်ပေးပါက ပို၍အရသာရှိသော ဝိုင်များကို ရရှိမှာဖြစ်ပါတယ်ဗျ။

အခုလို အိမ်တွင်းအောင်းနေတဲ့ အချိန်မှာ အလကားမနေပဲ ကိုယ်ခံအားကိုလဲမြှင့်တင်ပေးတဲ့ လိမ္မော်သီးဝိုင် လုပ်သောက်ကြရအောင်လားဗျာ။

Ref; https://www.wikihow.com/Make-Orange-Wine?fbclid=IwAR3QMgA-TUr-roR6dDhpTm75z6_WLxEDcjeSpsTnlD0kxkOhpG6cOVzIKeA

ထွန်းရာဇာ

( ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့် )

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ