ဓာတုပစ္စည်းမသုံးဘဲ ရေချိုးဆပ်ပြာပြုလုပ်နည်း

လိုအပ်သော ပစ္စည်းများ

ဆပ်ပြာသီး ၅ လုံး

Guar gum လက်ဖက်စားဇွန်း(၂)ဇွန်း

ရေ လက်ဖက်စားဇွန်း (၂)ဇွန်း

အလှဆီ Glycerin အနည်းငယ်

(Guar gum ဆိုသည်မှာ Guar Bean ဟုခေါ်သော ပဲပင်တစ်မျိုးမှရရှိသည့် ပဲမှုန့်ဖြစ်ပါသည်။ ကော်မှုန့်၊ ပြောင်းဖူးမှုန့်တို့နှင့်မတူဘဲ ကစီဓာတ်မပါဝင်ဘဲ ရေကို ဆေးပျစ်စေသော ပစ္စည်းတစ်မျိုးဖြစ်ပါသည်။)ဆပ်ပြာရည် ပျစ်ဖို့အတွက်သုံးခြင်းဖြစ်ပါသည်။

ပြုလုပ်နည်း

၁။ ဆပ်ပြာသီးတွေကို ထုခွဲ၍ အခွံချွတ်ထားပါ။ ရရှိလာသောအခွံများကို တစ်ညရေစိမ်ထားပါ။

၂။ နောက်တစ်နေ့မနက်တွင် ရေစိမ်ထားသော ဆပ်ပြာသီးများကို ပြုတ်ပါ။ အနံ့၊ အရောင် လိုချင်ပါက ထိုအချိန်တွင် ပန်းပွင့်ဖတ်များ၊ ပန်းပွင့်ခြောက်များ ထည့်နိုင်ပါသည်။

၃။ အသီးကြိုရည် အအေးခံထားသောအချိန်တွင် ဆပ်ပြာပြုလုပ်မည့် ထည့်စရာတစ်ခုထဲတွင် Guar gum (၂)ဇွန်း နှင့် အလှဆီတို့ကို ရောနှောထားပါ။

၄။ ထို အရောအနှောထဲသို့ ဆပ်ပြာသီးပြုတ်ရည်များ လောင်းထည့်ပြီး အရည်များပျစ်လာသည်အထိ မွှေပေးပါ။

ဓာတုမပါသော သဘာဝရေချိုးဆပ်ပြာရည်ကို ရရှိမည်ဖြစ်ပါသည်။ ဓာတုနှင့်မတည့်သူများအတွက်လည်း အဆင်ပြေမည်ဖြစ်သလို နေ့စဉ်သုံးပစ္စည်းများအတွက် ထွက်ငွေလျော့ချလိုသူများအတွက်လည်း အဆင်ပြေမည်ဖြစ်ပါသည်။

ကိုးကား- https://www.youtube.com/watch?v=vcrvPLmBVaM

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ