စောင်းလျားသီးယို ကိုယ်တိုင်ထိုးမယ်

နှစ်တွေတော်တော်ကြာပေမဲ့ ယိုတွေဆို စွဲစွဲမြဲမြဲစားသုံးနေတုန်းဆိုတော့ စားနေကျထဲကနေ နည်းနည်းလေးခွဲထွက်ပြီးတော့ Star Fruit (စောင်းလျားသီး) ယိုကို ကိုယ့်ဘာသာလုပ်စားလို့ရအောင် နည်းလမ်းလေး ပြောပြပေးလိုက်ပါတယ်။ ချိုချဉ်ရသာလေးရှိတဲ့အပြင်ကိုမှ တစ်ခြားသော ကျန်းမာရေးအကျိုးတွေဖြစ်တဲ့

(၁) ကယ်လိုရီနည်းပါးခြင်း

(၂) အမျှင်ဓာတ်တွေ အများကြီးပါလို့ အစာချေတာကို ကူညီပေးတယ်။ ပြီးတော့ အဆိပ်အတောက်တွေကို ကူညီဖယ်ရှားပေးနိုင်ပါသေးတယ်။

(၃) ဗီတာမင်စီတွေ အများကြီးပါတာကြောင့် ကိုယ်ခံအားကို တိုးစေပါတယ်။ ပြီးတော့ ဗီတာမင် ဘီ ပါတာကြောင့် စိတ်ကိုကြည်လင်လန်းဆန်းစေပါတယ်။

(၄) ပိုတက်စီယမ်၊ ဇင့်(သွပ်)၊ သံဓာတ် စတဲ့ ဓာတ်တွေပါတယ်ဆိုတော့ ကျန်းမာရေးအတွက် ကောင်းပါတယ်လို့ ကြော်ငြာစရာမလိုတော့ဘူးပေါ့။

(၅) နာကျင်နေတဲ့အချိန်၊၊ ကိုယ်ဝန်ဆောင် နာကျင်တဲ့အချိန်တွေဆို (၃)နာရီခြားပြီး အသီးစိတ်လေးတွေကို စားပေးတာနဲ့တင် သက်သာစေပါတယ်။

ကောင်းတာတွေပြောပြီးတော့ ယိုဘယ်လိုလုပ်မလဲဆိုတာကို ဆက်သွားကြတာပေါ့။

ပထမဆုံးအဆင့်က လိုတာတွေကို စုဆောင်းရမယ်။

(၁) လတ်ဆတ်တဲ့ စောင်းလျားသီး ၈ ခွက်ခွဲ

(၂) သကြားက (၃)ခွက်

(၃) ဗင်နီလာအရည်က ခွက်ရဲ့ (၈)ပုံ ပုံလို့ တစ်ပုံ

(၄) လီမွန် တစ်စိတ် ဒါမှမဟုတ် ကြိတ်ထား/ မွှထားတဲ့ ဂျင်းဖတ်လေးတွေ စားပွဲတင်ဇွန်း (၁)ဇွန်း

(၅) ဖာလာစေ့ နည်းနည်း

စလုပ်ကြမယ်နော်

(၁) အသီးတွေကိုရေဆေးပြီးတော့ အပေါ်ဆုံးနဲ့ အောက်ဆုံးအပိုင်းကိုဖြတ်ထုတ်လိုက်ပြီးတော့ အခွံလေးတွေကို သေချာခွာပေးပါ။ ပြီးတော့ အချောင်းအရှည်လေးတွေဖြစ်အောင် လှီးထားပေးပါ။

(၂) ဗင်နီလာကို ထည့်ပါ။

(၃) ဖာလာစေ့ကို ထည့်ပေးပါ

(၄) ဂျင်းဖတ်လေးတွေ ဒါမှမဟုတ် လီမွန်သီး ညှစ်ထည့်ပါ။

(၅) သမအောင်မွှေပါ။

(၆) အဖုံးပိတ်ပြီး တစ်ညသိပ်ထားပေးပါ။

(၇) နောက်နေ့ကျတော့ အကုန်လုံးကို ကြိတ်လိုက်ပါ.

(၈) အပူချိန်အေးအေးလေးနဲ့ တစ်နာရီလောက်ကြာအောင် (အစေးကျတဲ့ထိ) တည်ပေးပါ။

(၉) ပြီးတော့ ပုလင်းထဲထည့်ပြီး (၄)နာရီ ကြာအောင်ထားပေးပါ။

(၁၀) ပြီးရင်တော့ စားသုံးလို့ရပါပြီ။ အိမ်သုံးအတွက်ပါနော်။

ထွန်းဝင်းကျော်

Ref:https://www.blueosa.com/star-fruit-jam/

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ