စူပါအီးအမ်ဘိုကာရှီပြုလုပ်နည်း (၂)

ဗေဒါနှင့် မြေပဲကြိတ်ဖတ် အခြေခံသော စူပါအီးအမ် ဘိုကာရှီမြေသြဇာပြုလုပ်နည်း

ပါဝင်ပစ္စည်း

- ဗေဒါ

- နောက်ချေး

- ဖွဲကြမ်း

- ပြာ

- မီးသွေးမှုန့်

- ပဲဖတ်

- အသင့်သုံးအီးအမ်

ဗေဒါအခြောက်လေးဆပုံထားပါ။ နောက်ချေး ၄ ဆနှင့် ဖွဲကြမ်း ၂ ဆကို ဗေဒါပုံပေါ်သို့ထည့်ပါ။ ထို့နောက် အီးအမ်၊ ပြာ၊ မီးသွေးမှုန့်ထည့်၊ ပဲဖတ် ၂၅ ရာခိုင်နှုန်းထည့်ပြီး သမအောင်မွှေပါ။ 

မွှေပြီးအရောကို အစိုဓာတ်တိုင်းထားပါ။ ငါးရက်တစ်ကြိမ် အထက်အောက်လှန်ပေးပါ။

လွှစာအခြေခံသော စူပါအီးအမ်ဘိုကာရှီ မြေသြဇာပြုလုပ်နည်း

ပါဝင်ပစ္စည်း

- လွှစာ

- အသင့်သုံးအီးအမ်

- ဖွဲကြမ်း

ပြုလုပ်ပုံအဆင့်ဆင့်

ပုံထားသောလွှစာထဲသို့ အီးအမ်နှင့် ဖွဲကြမ်းထည့်ပြီးမွှေပါ။

တစ်ပတ်ကြာသောအခါ လွှစာများမှိုတက်နေပါလိမ့်မယ်။ ဒါဆိုရင်လွှစာအခြေခံသောစူပါအီးအမ်ဘိုကာရှီမြေသြဇာရပါပြီ။ စိုက်ခင်းများတွင်အသုံးပြုနိုင်ပါသည်။

ဝါးရွက်အခြေခံသော စူပါအီးအမ်ဘိုကာရှီမြေသြဇာပြုလုပ်နည်း

ပါဝင်ပစ္စည်း

ဝါးရွက်

ဖွဲကြမ်း

အီးအမ်

သကာရည်

ဝါးရွက်ပုံထဲသို့ ဖွဲကြမ်းရောထည့်ပါ။ ထိုအပုံထဲသို့ အီးအမ်နဲ့သကာရည်ထည့်ပြီး သမအောင်မွှေပါ။ 

အိတ်ထဲထည့်သိုလှောင်ပြီး တစ်ပတ် ၁၀ရက်နေရင် မြေသြဇာအဖြစ်အသုံးပြုနိုင်ပါသည်။

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ(ငြိမ်း) အိမ်နှင့်ကျောင်း ဥယျာဉ်ခြံတည်ထောင်ခြင်း နည်းပညာလက်စွဲ စာအုပ်မှ ကောက်နုတ်ဖော်ပြပါသည်။

အရင်တစ်ပတ်ကတင်ထားသော “စူပါအီးအမ်ဘိုကာရှီမြေသြဇာပြုလုပ်နည်း (၁)” ကိုလေ့လာရန် စာတန်းကိုနှိပ်ပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

CPP Fertilizer Company ကြော်ငြာ

စီပီပီ ကုမ္ပဏီမှ ဖြန့်ဖြူးလျှက်ရှိသော ပေါင်းသတ်ဆေးနှင့် အပင်ရောဂါကုသ ဆေးများ တောင်သူအားလုံးသည် ကျွန်တော်တို့၏ ဘ၀လက်တွဲဖော်ဖြစ်သည်။

Read more

ဟာမိုဇင်းပလပ်(စ်)

ဟော့(ပ်)ရိုး(လ်)

ကောင်စယ်

အီမီဒါနေး(လ်)

ပေါ်စီလန်

စီပီပီ Facebook စာမျက်နှာ သို့သွားရန်