မြန်မာ့သရက်ဈေးကွက်ခိုင်မာစွာ ဖြစ်ပေါ်လာစေရန် စီစဉ်လုပ်ဆောင်နေ

မြန်မာ့သရက်ဈေးကွက် ခိုင်မာစွာ ဖြစ်ပေါ်လာစေရေးအတွက် ယခုနှစ်မှာ ဆွေးနွေးညှိနှိုင်းကာ စီစဉ်လုပ်ဆောင်နေကြောင်း မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအဖွဲ့ မှ သိရပါတယ်။

မြန်မာ့သရက်ဈေးကွက်ကို ခိုင်ခိုင်မာမာ ဖြစ်ထွန်းပေါ်ပေါက်လာစေရန်အတွက် အဖွဲ့အစည်းတစ်ချို့နဲ့ ဆွေးနွေးညှိနှိုင်းမှုများ လုပ်ဆောင်လျက်ရှိနေကြောင်း မြန်မာ့သရက်ဈေးကွက်နှင့် နည်းပညာဖွံ့ ဖြိုးတိုးတက်ရေးအဖွဲ့မှ အတွင်းရေးမှူး ဦးကျော်စွာဟိန်းကပြောပါတယ်။

“သရက်စိုက်ပျိုးသူတွေအတွက် ဈေးကွက်အတွက်ကို NGO အဖွဲ့အစည်းများနဲ့ ဆွေးနွေးညှိနှိုင်းမှုတွေ လုပ်ဆောင်နေပါတယ်။ ဈေးကွက်ဖြစ်ပေါ်လာဖို့အတွက် အသင်းအနေနဲ့ ကူညီပြီး လုပ်ပေးနေတဲ့အပိုင်းတွေကိုလည်း စီစဉ်လုပ်ဆောင်နေပါတယ်”

မြန်မာ့သရက်ကို အရည်အသွေးကောင်းစွာ ထွက်ရှိစေရန်အတွက်လည်း တောင်သူများကို စိုက်ပျိုးရေးဆိုင်ရာ နည်းပညာပေးခြင်းများ လုပ်ဆောင်နေပြီး ပြည်ပဈေးကွက်သို့ ပိုမိုတင်ပို့ရောင်းချနိုင်ရန်အတွက် သက်ဆိုင်ရာအဖွဲ့အစည်းများနဲ့ စီစဉ်လုပ်ဆောင်နေကြောင်း မြန်မာ့သရက်ဈေးကွက်နှင့်နည်းပညာဖွံ့ဖြိုးတိုးတက်ရေး အဖွဲ့မှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ