မြန်မာ့စပါးစံချိန်စံညွှန်း ထွက်ရှိနိုင်ရန် ဆောင်ရွက်နေ

မြန်မာ့စပါးစံချိန်စံညွှန်း ထွက်ရှိနိုင်ရေးအတွက် သက်ဆိုင်ရာဌာနများနဲ့ ဆွေးနွေးညှိနှိုင်းမှုများ ဆောင်ရွက်နေကြောင်း မြန်မာနိုင်ငံဆန်စပါးအသင်းချုပ်မှ သိရပါတယ်။

သက်ဆိုင်ရာဌာနများမှတစ်ဆင့် ကြေညာချက်ထုတ်ပြန်ပေးပြီး ညှိနှိုင်းဆွေးနွေးမှုများနဲ့ စပါးစံချိန်စံညွှန်းများ ထွက်ရှိလာနိုင်ရေးအတွက် စီစဉ်ဆောင်ရွက်မှုများ လုပ်ဆောင်သွားမှာဖြစ်တယ်လို့ မြန်မာနိုင်ငံဆန်စပါးအသင်းချုပ်မှ ရုံးအဖွဲ့မှူး ဦးမြင့်လွင်ကပြောပါတယ်။

စပါးစံချိန်စံညွှန်းကို မူလစံချိန်စံညွှန်းထဲမှာ ထည့်သွင်းရေးဆွဲသွားမယ်။ သက်ဆိုင်ရာဌာနတွေကိုလည်း အကြောင်းကြားထားပါတယ်။ ပြန်လည်ညှိနှိုင်းသွားမယ်။ အခု သက်ဆိုင်ရာဌာနကနေ အမိန့်ကြော်ငြာစာထွက်ဖို့ စီစဉ်ဆောင်ရွက်နေပါတယ်

အခုလက်ရှိမှာ မြန်မာ့စပါးစံချိန်စံညွှန်းကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနကို တင်ပြသွားမှာဖြစ်ကြောင်းလည်း အဆိုပါအသင်းချုပ်မှ သိရပါတယ်။

မြန်မာ့စပါးစံချိန်စံညွှန်း ထွက်ရှိနိုင်ရေးအတွက် International Finance Corporation နဲ့ ပူးပေါင်းဆောင်ရွက်နေတာဖြစ်ကြောင်းလည်း မြန်မာနိုင်ငံဆန်စပါးအသင်းချုပ်မှ သိရပါတယ်။

တိုးတိုးခိုင်(ABM)