သရက် မှဲ့ပြောက်စွန်းရောဂါ

သရက်စိုက်ပျိုးသော ဒေသတိုင်းတွင် ကျရောက်သော မှိုရောဂါတစ်မျိုးဖြစ်ပါသည်။ သရက်ပင်၏ အစိတ်အပိုင်းအားလုံးနီးပါး ကျရောက်တတ်သည်။ အရွက်နု၊ အရွက်ရင့်၊ အပွင့်၊ အသီး အားလုံးကျရောက် တိုက်ခိုက်ခံရသည်။ စွတ်စိုထိုင်းမှိုင်းသော ရာသီတွင် ပြင်းပြင်းထန်ထန် ကျရောက်ဖျက်ဆီးလေ့ရှိသည်။

အရွက်နုများပေါ်တွင် ကျရောက်ပါက သေးငယ်သော အနက်၊ အစက်အပြောက်များ ဖြစ်ပေါ်လာသည်။ ရောဂါရင့်လာပါက အညိုရောင်များအဖြစ် ကျယ်ပြန့်လာကာ အရွက်များ တွန့်လိမ်သွားသည်။

အရွက်ရင့်သည်အထိ ရောဂါများ ဆက်လက်တိုက်ခိုက်နေပါက ညိုနက်ရောင်၊ အနက်ရောင် စက်ဝိုင်းပုံ၊ ဒေါင့်များ ပါသော အပြောက်များ ဖြစ်ပေါ်လာကာ အပြောက်များ ကျယ်ပြန့်လာပြီး အရွက်များ ကြွေကျသွားသည်။

ပန်းခိုင်များတွင် ရောဂါကျပါက ပင်အပ်ခေါင်းအရွယ် အစက်အပြောက်များ အသီးခွံပေါ်တွင် စတင်ဖြစ်ပေါ်လာသည်။ အသီးငယ်စဉ်ရောဂါပြင်းထန်ပါက အသီးများ စောစောကြွေကျသွားသည်။ မကြွေကျသေးပါက အနက်ပြောက်များသည် အသီးများ ကြီးထွားမှုနှင့်အတူ ကြီးထွားကျယ်ပြန့်လာသည်။ အသီးများ မှည့်သည့်အချိန်တွင် ရောဂါလက္ခဏာပိုမိုကြီးထွားကျယ်ပြန့်လာပြီး ပုပ်၍ ကြွေကျသွားသည်။ တစ်ခါတစ်ရံ အသီးတစ်ခုလုံး ကျရောက်ခြင်းမရှိဘဲ အသီးထိပ်ဖျားတွင်သာ ပြင်းထန်စွာ ကျရောက်တတ်သည်။

ကာကွယ်နှိမ်နင်းခြင်း

၁။ ဘော်ဒိုဆေးရည် ( Bordeaux Mixture) ၅း၅း၅၀ ကို ပန်းမပွင့်မီ တစ်ပတ်ခြားနှင့် ၂ ကြိမ် နှံ့စပ်စွာ ပက်ဖျန်းပေးရမည်။ နောက်ပိုင်းတွင် လိုအပ်သော နေရာများကိုသာ ရွေးချယ်၍ တစ်လခြားတစ်ခါ ပက်ဖျန်းပေးရမည်။

၂။ Benomile ဆေး ၆ – ၁၂ ဂရမ်ကို ရေ ၂၀ လီတာနှင့်ဖျော်စပ်၍ လည်းကောင်း၊ Mancozeb (Dithane z – 28) ဆေး ၄၀ ဂရမ်ကို ရေ ၂၀ လီတာနှင့် ဖျော်စပ်၍လည်းကောင်း၊ ရွက်နုထွက်ချိန်၊ သီးကင်းဝင်ချိန် များတွင် တစ်ပင်လုံး နှံ့စပ်အောင် ပက်ဖျန်းပေးရသည်။

၃။ Basvistin ( Carbendazin) ၂၀ ဂရမ်ကို ရေ ၁၀ လီတာတွင် ဖျော်၍ ၁၅ ရက်ခြား ပက်ဖျန်းပါ။

စိုက်ပျိုးရေးဦးစီးဌာန

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ