ဈေးကွက်အလားအလာ ကျဆင်းနေခြင်းကြောင့် မရမ်းပင်စိုက်သူများ တွက်ချေမကိုက်ဖြစ်နေ

ဈေးကွက်အလားအလာ ကျဆင်းနေခြင်းကြောင့် မရမ်းစိုက်သူများ တွက်ချေမကိုက်ဖြစ်နေကြောင်း တောင်သူများကပြောသည်။

မရမ်းသီးဖြိုင်ဖြိုင်ပေါ်ချိန်တုန်းကတောင် ရွှေလီလမ်းကပိတ်တော့ အရောင်းလည်းကျ စျေးလည်းကျသွားခဲ့ပါတယ်။ အပင်တွေက သီးပါတယ်။ ဒါပေမဲ့ အခုနောက်ပိုင်း မခူးဖြစ်တော့ဘူး။ ခူးခနဲ့ ပြန်ရတဲ့ငွေကြေးနဲ့က တွက်ချေမကိုက်တော့ဘူးလေ။ စာရင်းချုပ်တော့ အရင်နှစ်ကထက် သုံးပုံတစ်ပုံပဲ ကိုယ့်အတွက်ကျန်တော့တယ်။

ဟု တောင်ငူမြို့မှ မရမ်းပင်စိုက်ပျိုးသူ ဦးခင်မောင်မြင့်က ပြောသည်။

မရမ်းပင်ကို တနင်္သာရီတိုင်း၊ ရန်ကုန်တိုင်း၊ ပဲခူးတိုင်း၊ မန္တလေးတိုင်း၊ ဧရာဝတီတိုင်း၊ မွန်ပြည်နယ်၊ ကရင်ပြည်နယ်တို့၌ အဓိကစိုက်ပျိုးကြပြီး၊ မရမ်းသီးအစိမ်း၊ အမှည့်၊ မရမ်းပြား (အခြောက်၊ အစို) အစရှိသည့် နည်းလမ်းအမျိုးမျိုးဖြင့် ရောင်းဝယ်ဖောက်ကားကြသည်။

ကိုဗစ်မဖြစ်ခင်် အစောပိုင်းလောက်ကတည်းက ပြည်ပကို သစ်သီးဝလံတင်ပို့ရောင်းချမှုလေးတွေက သိပ်ပြီးအဆင်မပြေတော့တာ။ ဒါကတော့ ဖရဲသမားတွေ ပြောင်းဖူးသမားတွေလည်း အနည်းနဲ့အများဆိုသလို ထိခိုက်ကြတာပါပဲ။ ကိုဗစ်ဖြစ်လိုက်တော့ ပိုပြီးတော့ ဆိုးသွားတာပေါ့။

ဟု ပဲခူးတိုင်းမှ ကုန်သည်တစ်ဦးက ပြောသည်။

၂၀၁၉ ခုနှစ်၊ ဇန်နဝါရီလက ပဲခူးတိုင်းဒေသကြီးအတွင်း၌ မရမ်းသီးတစ်ပိဿာလျှင် ကျပ် (၃၀,၀၀၀) မှ (၄၀,၀၀၀) အတွင်း ပေါက်ဈေးရရှိခဲ့ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ