မတ်ပဲဈေး သိသိသာသာဆက်တက်နေပြီး ကြက်သွန်နီဈေးလည်း ဆက်တက်

ရန်ကုန်ဘုရင့်နောင်ဈေးကွက်မှာတော့ ပြီးခဲ့တဲ့ နှစ်ရက်ကတည်းက တစ်တန်ကို ၁၅ သိန်းကျော်ထိ မြင့်တက်သွားတဲ့ မတ်ပဲဈေးတွေမှာ ဒီနေ့မှာလည်း သိသိသာသာကို ထပ်တက်လာပါတယ်။

မနေ့က တစ်တန်ကို ကျပ် ၁၅၁၃၀၀၀ ရှိခဲ့တဲ့ မတ်ပဲ (အက်ဖ်အေကျူ၊ အာစီ - ၂၀၂၂ ) ဈေးဟာ ဒီနေ့မှာ တစ်တန်ကို ကျပ် ၁၄၀၀၀ ကျပ်ထိ မြင့်တက်ခဲ့ပြီး ၁၅၂၇၀၀၀ ဖြစ်လာပါတယ်။ အလားတူ မတ်ပဲ (အက်စ်ကျူအာစီ - ၂၀၂၁) ဟာလည်း တစ်တန်ကို ကျပ် ၁၄၀၀၀ ပဲ မြင့်တက်လာပြီး မနေ့က ကျပ် ၁၇၀၃၀၀၀ ရှိရာကနေ ဒီနေ့မှာတော့ ၁၇၁၇၀၀၀ ထိ မြင့်တက်လာတာပါ။

" အိန္ဒိယနိုင်ငံက မိုးသီးနှံအတွက် ဈေးနှုန်းတွေ တိုးမြှင့်လိုက်တဲ့ ထုတ်ပြန်ချက်ကြောင့် ပဲဈေးတွေ တက်လာတာဖြစ်တယ်" လို့ AMIA ရဲ့ သတင်းမှာ ဖော်ပြထားပါတယ်။

ဈေးကွက်မှာ အတက်ဆက်တိုက်ရှိနေတဲ့ ကြက်သွန်နီဈေးဟာလည်း ဒီနေ့မှာ ဆက်လက်မြင့်တက်နေဆဲဖြစ်ပါတယ်။ အမျိုးအစားအလိုက် တစ်မျိုးကို တစ်ပိဿာ ကျပ် ၅၀ ခန့်စီ မြင့်တက်လာတာဖြစ်ပါတယ်။ နယ် ဈေးကွက်တွေမှာလည်း ဈေးဆက်တိုက်မြင့်တက်မှုတွေ ရှိနေတယ်လို့ သိရပါတယ်။

မနေ့က အတက်ပြလာတဲ့ ကြက်သွန်ဖြူဈေးကတော့ ဒီနေ့မှာ ထပ်တက်လာတာမရှိဘဲ ဈေးငြိမ်နေပါတယ်။

မတ်ပဲ(အက်ဖ်အေကျူ၊အာစီ) (၂၀၂၂) (၁)တန် ၁၅၂၇၀၀၀ ကျပ်

မတ်ပဲ(အက်စ်ကျူ၊အာစီ) (၂၀၂၁) (၁)တန် ၁၇၁၇၀၀၀ ကျပ်

ကြက်သွန်နီ (ဆိပ်ဖြူရှယ်)(သစ်) (၁)ပိဿာ ၁၅၀၀ ကျပ်

ကြက်သွန်နီ (ဆိပ်ဖြူလတ်ကြီး) (၁)ပိဿာ ၁၄၅၀ ကျပ်

ကြက်သွန်နီ (ဆိပ်ဖြူလတ်သန့်) (၁)ပိဿာ 1300 ကျပ်

ကြက်သွန်နီ(ဆိပ်ဖြူလတ်ချော) (၁)ပိဿာ 1050 ကျပ်

ကြက်သွန်ဖြူ(ကြူကုတ်)(ရှယ်) (၁)ပိဿာ 2600 မှ 2800 ကျပ်

ကြက်သွန်ဖြူ(အောင်ပန်း ထူး ၂) (၁)ပိဿာ 2000 မှ 2100 ကျပ်

ကြက်သွန်ဖြူ(အောင်ပန်း ထူး ၃) (၁)ပိဿာ 2600 မှ 2700 ကျပ်

ကြက်သွန်ဖြူ(အောင်ပန်း ထူး ၄) (၁)ပိဿာ 3000 မှ 3400 ကျပ်

ကြက်သွန်ဖြူ(အောင်ပန်း ထူး ၅) (၁)ပိဿာ 3700 မှ 3800 ကျပ်

ကြက်သွန်ဖြူ(ကြူကုတ်)(ရှယ်) (၁)ပိဿာ 2600 မှ 2800 ကျပ်

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

နိုင်ငံတစ်ဝန်း စပါး၊ ဆန်၊ ပဲများအပါအဝင် သီးနှံမျိုးစုံဈေးနှုန်းများကို သိလိုပါက အစိမ်းရောင်လမ်း App ရှိ နေ့စဉ်ဈေးနှုန်းများကဏ္ဍထဲတွင် သက်ဆိုင်ရာမြို့နယ်တစ်ခုချင်းစီအလိုက် ဝင်ရောက်ကြည့်ရှုနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။