ကြက်သွန်နီဈေး တဖြည်းဖြည်း အကျဘက်ပြန်ရောက်နေ

ရန်ကုန် ဘုရင့်နောင်ဈေးကွက် ကြက်သွန်နီဈေးဟာ ဒီတစ်ပတ်အတွင်းမှာ အကျဘက်ကို တဖြည်းဖြည်း ပြန်ရောက်လာနေတယ်လို့ စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့တဲ့ ဈေးနှုန်းဖော်ပြ ချက်တွေအရ သိရပါတယ်။

ဒီတစ်ပတ် ဇွန် ၂၀ ရက်မှာ အဖွင့်ဈေးအနေနဲ့ ကြက်သွန်နီ(ဆိပ်ဖြူရှယ်-သစ်) ဟာ တစ်ပိဿာ ၁၇၅၀ ကျပ် ရှိခဲ့ပြီး ဇွန် ၂၁ ရက်မှာ ၁၉၀၀ ကျပ်ထိ ပြန်တက်လာပေမယ့် တဖြည်းဖြည်း ပြန်ကျသွားတာဖြစ်ပါတယ်။ ဇွန် ၂၄ ရက် သောကြာနေ့အပိတ်ဈေးမှာတော့ တစ်ပိဿာ ၁၇၀၀ ကျပ်ထိ ရောက်သွားတာဖြစ်ပါတယ်။

ဘုရင့်နောင်ဈေးကွက်ကို ကြက်သွန်နီကားအဝင်ကတော့ ဆက်လက်ရှိနေပေမယ့် အရည်အသွေးပိုင်း ကတော့ အားနည်းနေကြောင်းသိရတယ်လို့တော့ AMIA ရဲ့ သတင်းဖော်ပြချက်မှာ ထည့်သွင်းဖော်ပြ ထားပါတယ်။

ဇွန် ၂၄ ရက်(သောကြာနေ့) ကြက်သွန်ဈေးနှုန်းတွေကတော့ အောက်ပါအတိုင်း ဖြစ်ပါတယ်။

ကြက်သွန်နီ (ဆိပ်ဖြူရှယ်)(သစ်) (၁)ပိဿာ 1700 ကျပ်

ကြက်သွန်နီ (ဆိပ်ဖြူလတ်ကြီး) (၁)ပိဿာ 1600 ကျပ်

ကြက်သွန်နီ (ဆိပ်ဖြူလတ်သန့်) (၁)ပိဿာ 1450 ကျပ်

ကြက်သွန်နီ(ဆိပ်ဖြူလတ်ချော) (၁)ပိဿာ 1100 ကျပ်

ကြက်သွန်ဖြူ(ကြူကုတ်)(ရှယ်) (၁)ပိဿာ ၂၈၀၀ မှ ၃၀၀၀ ကျပ်

ကြက်သွန်ဖြူ(အောင်ပန်း ထူး ၂) (၁)ပိဿာ 2300 ကျပ်

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ