တစ်ပတ်အတွင်းဆန်စျေးနှုန်းတင်ပြချက်

ရန်ကုန်မြို့ မြန်မာနိုင်ငံဆန်စပါးကုန်သည်များအသင်း ၊ဝါးတန်းလမ်းကုန်စည်ဒိုင်ရဲ့ ယခုတစ်ပတ် ဆန်လက်ကားစျေးနှုန်းများအရ ဆန်ချောစျေးနှုန်းမှာ တည်ငြိမ်နေပြီး ဆန်ကြမ်းစျေးနှုန်းများမှာ ကျဆင်းလာကြောင်း ဝါးတန်းလမ်း ကုန်စည်ဒိုင်မှ သိရပါတယ်။

ဆန်ချောဖြစ်တဲ့ ဖျာပုံပေါ်ဆန်းဆန် ထိပ်စ တစ်အိတ်စျေးနှုန်းမှာ ၃၈၀၀၀ကျပ် ၊ လတ်စတစ်အိတ်မှာ ကျပ် ၃၇၀၀၀ ကျပ် ၊ (မြောင်းမြ၊ပုသိမ်) ပေါ်ဆန်းဆန် ထိပ်စ တစ်အိတ်မှာ ကျပ်၄၂၀၀၀၊ လတ်စတစ်အိတ်မှာ ၄၀၀၀၀ ကျပ် ၊ ဒေးဒရဲပေါ်ဆန်းဆန် ထိပ်စ တစ်အိတ်စျေးနှုန်း မှာ ကျပ် ၃၈၀၀၀၊ လတ်စ တစ်အိတ်မှာ ကျပ် ၃၆၀၀၀ ရှိပြီး တစ်ပတ်အတွင်း ဆန်ချောစျေးနှုန်းများမှာ တည်ငြိမ်နေကြောင်း သိရပါတယ်။

ဧည့်မထမိုးဆန် ထိပ်စ တစ်အိတ်ကို ကျပ် ၁၉၅၀၀ ၊ လတ်စ တစ်အိတ်ကို ကျပ် ၁၉၃၀၀ ၊ ငစိန် ထိပ်စ တစ်အိတ်ကို ကျပ် ၁၈၅၀၀ ၊လတ်စ တစ်အိတ်ကို ကျပ် ၁၈၂၀၀ ရှိပြီးတစ်အိတ်ကို ကျပ်၁၂၀၀ဝန်းကျင် ကျဆင်းသွားပြီး တစ်ပတ်အတွင်း ဆန်ကြမ်း စျေးနှုန်းများ မှာ ကျဆင်းလာကြောင်း သိရပါတယ်။

မိုးသုခရှယ် တစ်အိတ် ကျပ် ၂၆၀၀၀ ၊လတ်စ တစ်အိတ် ကျပ် ၂၅၀၀၀ နဲ့ ပေါ်ဆန်းရှယ်ထိပ်စ တစ်အိတ်ကျပ် ၄၀၀၀၀၊ လက်စ တစ်အိတ်ကို ၃၉၀၀၀ကျပ် ရှိပြီး ဝါးတန်းလမ်းကုန်စည်ဒိုင်ကို ဆန်အဝင်ပုံမှန် ရှိနေကာ အရောင်းအဝယ်ပုံမှန် ရှိနေကြောင်း သိရပါတယ်။

တိုးတိုးခိုင်(ABM)