ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

(၁၂.၁၁.၂၀၁၈ မှ ၁၆.၁၁.၂၀၁၈)ထိ

မတ်ပဲ (FAQ/RC)

ပြီးခဲ့တဲ့အပတ်ထိ ဆက်တိုက်တက်နေခဲ့တဲ့ မတ်ပဲက ဒီတစ်ပတ်မှာ ဈေးအပြောင်းအလဲကြောင့် ဈေးတွေ ပြန်ကျဆင်းသွားခဲ့ပါတယ်။ အိန္ဒိယနိုင်ငံရဲ့ ဝယ်လိုအားများပြီးတင်ပို့မှုများနေပေမယ့် အိန္ဒိယက ဈေးလျော့ဝယ်ယူမှုတွေကြောင့်ဈေးက အနည်းငယ်ကျဆင်းသွားခဲ့တာပါ။ သုံးရက်လောက်ဈေးကျဆင်းသွားခဲ့ပေမယ့် ကျန်တဲ့ရက်မှာတော့ ဈေးကပြန်တက်လာခဲ့ပါတယ်။ တစ်နေ့နဲ့တစ်နေ့ ဈေးအတက်အကျကတော့ တည်ငြိမ်မှုမရှိပဲ အပြောင်းအလဲ မြန်ပါတယ်။ ဈေးအတက်ကို ကုန်သည်တွေက အများအပြားရောင်းဝယ် တဲ့အတွက် ဈေးကကျဆင်းသွားတာဖြစ်တဲ့အတွက် ဈေးကျနေတဲ့အချိန် လိုက်မရောင်းဖို့လိုအပ်ပါတယ်။ အိန္ဒိယနိုင်ငံမှာတော့ မတ်ပဲပေါ်ချိန်မှာ ရာသီဥတုအခြေအနေကြောင့် အရည်အသွေးပြည့်ဝတဲ့ ပဲတွေမရရှိတဲ့အပြင် အထွက်နှုန်းကလည်း ကျဆင်းနေတဲ့အတွက် ပဲအဝယ်ပါမစ်တွေကို ဆက်တိုက်ကို ချပေးနေပြီး ပြည်ပဝယ်ယူမှုတွေကို ဆက်တိုက်လက်ခံနေခဲ့ပါတယ်။

လက်ရှိမှာ အိန္ဒိယနိုင်ငံရဲ့ ပဲလက်ကျန်မှာလည်း မတ်ပဲလက်ကျန်က နည်းနေတဲ့အတွက် ပဲအဝယ်တွေကတော့ ရှိလာမှာဖြစ်ပြီး ဈေးကတော့ တက်နိုင်ခြေရှိသေးတယ်လို့ ကုန်သည်တွေကသုံးသပ်ထားပါတယ်။

ဒီတစ်ပတ်မှာတာ့ မုံရွာကုန်စည်ဒိုင်မှာ မတ်ပဲကတစ်တင်းကို ၂၇၅၀၀ ရှိပြီး ၂၀၀၀ ကျပ်၊နေပြည်တော်ကုန်စည်ဒိုင်မှာ ၂၇၆၀၀ ရှိပြီး ၇၀၀ ကျပ်၊ပြည်ကုန်စည်ဒိုင်မှာ တစ်တင်းကို ၃၁၀၀၀ ရှိပြီး ၂၅၀၀ ကျပ် အသီးသီးဈေးကျဆင်းသွားခဲ့ပါတယ်။

ရန်ကုန်ဈေးကွက်မှာတော့ ၈၅၀၀၀၀ အထိ ဈေးပြန်ကျဆင်းသွားခဲ့ပေမယ့် သုံးရက်အတွင်းငွေကျပ် ၉ သိန်းခွဲကျော်အထိ ဈေးပြန်တက်လာပါတယ်။

ပဲစင်းငုံနီ

ပဲစင်းငုံနီကလည်း မတ်ပဲနည်းတူ ဈေးတက်လာသလို မတ်ပဲလည်းဈေးကျရင် ပဲစင်းငုံလည်း ဈေးလိုက်ကျဆင်းပါတယ်။ ပဲစင်းငုံနီကတော့ လက်တလော ရန်ကုန်ဈေးကွက်မှာ ဈေးကွက်မဖွင့်တဲ့ရက်တွေလည်းရှိသလို တင်ပို့မှုကလည်း နည်းနေခဲ့ပါတယ်။ အသစ်ဝင်ရောက်မှုမရှိပဲ အဟောင်းလက်ကျန်တွေကိုသာ အပြတ်ဖြတ်နေတဲ့အခြေအနေလည်းဖြစ်ပါတယ်။

အိန္ဒိယနိုင်ငံမှာတော့ ပဲစင်းငုံနီစိုက်တဲ့ဒေသတွေမှာ မိုးခေါင်ရေရှားတဲ့အခြေအနေက အတော်ကို ဆိုးရွားနေပါတယ်။ ဒါပေမယ့် ပဲအသစ်ထွက်မယ့်အချိန်က လိုအပ်နေသေးတဲ့အတွက် အိန္ဒိယပဲဝယ်မှုက မတ်ပဲကို အလေးသာနေတဲ့အခြေအနေလည်း ဖြစ်နေပါတယ်။ ဒါပေမယ့် ပဲစင်းငုံနီအခြေအနေက ထင်သလိုမဖြစ်တဲ့အပြင် လက်ကျန် ပဲကျန်ရှိမှုကလည်း မတ်ပဲထက်လျော့နည်းနေတဲ့အတွက် ပဲစင်းငုံနီက အခြေအနေကောင်းနိုင်သေးတဲ့အခြေအနေရှိနေပါတယ်။

ကုန်သည်အချို့ကတော့ လက်ရှိအခြေအနေမှာ အစိုးရအနေနဲ့ အိန္ဒိယနဲ့ပဲဈေးကွက်အခြေအနေကို တည်ငြိမ်စေဖို့ တောင်သူ/စားသုံးသူ အဆင်ပြေစေမယ့် ကြမ်းခင်းဈေးကို သတ်မှတ်ပေးဖို့ ဆန္ဒရှိနေသလို အစိုးရအနေနဲ့ကလည်း လက်ရှိမှာ  G to G လုပ်ဖို့ စိုင်းပြင်းနေတယ်လို့သိရပါတယ်။

ဒီတစ်ပတ်မှာတော့ ပဲစင်းငုံနီက တစ်တန်ကို ၇၃၀၀၀၀ ကျော်အထိ ဈေးပြန်ကျဆင်းသွားခဲ့သလို နယ်ကုန်စည်ဒိုင်တွေဖြစ်တဲ့ မုံရွာကုန်စည်ဒိုင်မှာလည်း တစ်တင်းကို ၂၁၅၀၀ နဲ့ ၄၂၅၀ ကျပ်ဈေးကျဆင်း သွားပါတယ်။ ပခုက္ကူကုန်စည်ဒိုင်မှာတော့ တစ်တင်းကို ၂၂၅၀၀ နဲ့ ၄၃၀၀ ကျပ်၊ မြင်းခြံကုန်စည်ဒိုင်မှာတော့ တစ်တင်းကို ၂၂၀၀၀ နဲ့ ၄၂၅၀ ကျပ် အသီးသိးဈေးကျဆင်းသွားခဲ့ပါတယ်။ ပြည်ကုန်စည်ဒိုင်မှာတော့ ၂၂၀၀၀ ကျပ် နဲ့ ၄၅၀၀ ကျပ်ဈေးတက်လာခဲ့ပါတယ်။

ကုလားပဲ

ကုလားပဲရာသီက မကြာခင်ကုန်ဆုံးတော့မှာ ဖြစ်တဲ့အတွက် လက်ကျန်ပဲတွေက အရောင်းအဝယ်ဖြစ်နေပြီး ဈေးတွေကလည်း တက်နေပါတယ်။  ထို့ပြင်အိန္ဒိယတင်ပို့မှုကလည်းရှိနေပါတယ်။ 

မုံရွာကုန်စည်ဒိုင်မှာ ကုလားပဲလုံးဝါ(ကြီး၊သေး)က တစ်တင်းကို ၂၅၀၀၀ ကနေ ၂၇၀၀၀ ပေါက်ဈေးရှိပြီး တစ်တင်းကို ၅၀၀ကျပ်ဈေးတက်လာပြီး၊ ကုလားပဲဖြူ(ကြီး၊သေး)ကတော့ တစ်တင်းကို ၂၅၅၀၀ ကနေ ၂၇၂၀၀ ပေါက်ဈေးရှိပြီး ဈေးငြိမ်နေပါတယ်။ ပခုက္ကူကုန်စည်ဒိုင်မှာတော့ ကုလားပဲလုံးဖြူကြီးက တစ်တင်းကို ၂၅၂၀၀ ရှိပြီး ၄၅၀ ကျပ်ဈေးတက်လာပါတယ်။ ကုလားပဲလုံးဝါကြီးက တစ်တင်းကို ၂၇၀၀၀ ကျပ်ရှိပြီး တစ်တင်းကို ၁၇၅၀ ကျပ်ဈေးတက်လာပါတယ်။ပြည်ကုန်စည်ဒိုင်မှာလည်း ကုလားပဲကြီး(ဖြူ၊ဝါ)က တစ်တင်းကို ၂၈၅၀၀ ကနေ ၂၉၀၀၀ ဈေးငြိမ်နေပါတယ်။ 

ကြက်သွန်နီ

ရန်ကုန်ဈေးကွက်မှာတော့ ကြက်သွန်နီက ဆိပ်ဖြူအပြင် အခြားနယ်မြို့က ကြက်သွန်နီတွေလည်း အတက်ဈေး နဲ့ ဝင်ရောက်လာပါတယ်။ ဈေးအတက်အကျကတော့ တည်ငြိမ်မှုမရှိပေမယ့် အများဆုံးကတော့ အကျဈေးနဲ့ ရှိနေတာ များပါတယ်။ 

နယ်ကုန်စည်ဒိုင်တွေဖြစ်တဲ့ မြင်းခြံနဲ့ပခုက္ကူတို့မှာလည်း ကြက်သွန်နီက ဈေးကျဆင်းနေခဲ့ပါတယ်။ ကုန်အဝင်က တစ်နေ့ကို ပိဿာချိန် ၂၅၀၀၀ ကနေ ၄၀၀၀၀ ကြားရှိနေပေမယ့်လည်း အဝယ်အေးတဲ့အတွက် ဈေးကကျဆင်းနေခဲ့တာလည်း ဖြစ်ပါတယ်။

ရန်ကုန်ဈေးကွက်မှာတော့ ကြက်သွန်နီက တစ်ပိဿာကို ၇၀၀ ကနေ ၁၃၀၀ ရှိပြီး ၅၀ ကျပ်ဈေးကျဆင်းသွားပါတယ်။ ပခုက္ကူကုန်စည်ဒိုင်မှာတော့ တစ်ပိဿာကို ၈၀၀ ကနေ ၁၁၀၀ ရှိပြီး ၅၀ ကျပ်ကျဆင်းသွားသလို မြင်းခြံကုန်စည်ဒိုင်မှာလည်းတစ်ပိဿာကို ၈၅၀ ကနေ ၉၅၀ ရှိပြီး ၅၀ ကျပ်ဈေးကျဆင်းသွားခဲ့ပါတယ်။

ကြက်သွန်ဖြူ

ကြက်သွန်ဖြူ(ရှမ်း)က နယ်ဈေးကွက်အချို့မှာ ဈေးတက်လာခဲ့သလို လအတန်ကြာငြိမ်နေခဲ့တဲ့ ဒေသတွေ မှလည်း ဈေးအနည်းငယ်ပြန်လှုပ်ခဲ့ပါတယ်။ပွဲတော်ကာလဖြစ်တဲ့အတွက်ကြောင့် ကြက်သွန်ဖြူ(ရှမ်း)ဈေး တွေ တက်လာခဲ့တာလည်း ဖြစ်ပါတယ်။ (ကြူကုတ်)အမျိုးအစားကတော့ ဈေးအနည်းငယ်ကျဆင်းသွားခဲ့ ပါတယ်။

၇န်ကုန်ဈေးကွက်မှာတော့ ကြက်သွန်ဖြူ(အောင်ပန်း၊တောင်ကြီး)က တစ်ပိဿာကို ၆၅၀ ကနေ ၁၃၀၀ ရှိပြီးတစ်ပိဿာကို ၅၀ ကျပ်လောက်ဈေးတက်လာခဲ့ပါတယ်။ (ကြူကုတ်)ကတော့ တစ်ပိဿာကို ၁၅၀၀ ကနေ ၁၅၅၀ ရှိပြီး ၅၀ ကျပ်ဈေးကျဆင်းသွားခဲ့ပါတယ်။

မြင်းခြံကုန်စည်ဒိုင်မှာလည်း ရှမ်းကြက်သွန်ဖြူက တစ်ပိဿာကို ၉၇၅ ကျပ် နဲ့ ၅၀ ကျပ်လောက်ဈေးတက်လာခဲပါတယ်။ အခြားကုန်စည်ဒိုင်တွေဖြစ်တဲ့ နေပြည်တော်မှာတော့ တစ်ပိဿာကို ၂၂၀၀ ကျပ်၊ ပြည်ကုန်စည်ဒိုင်မှာတော့ ၉၀၀ ကျပ် နဲ့ ဈေးငြိမ်နေပါတယ်။

ဝတ်ရည်မွန်(AMIA)

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်