စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ပြောင်းလုပ်ငန်းအသင်း တွေ့ဆုံဆွေးနွေးခဲ့

၂၀၂၀ ခုနှစ်၊ ဇွန် ၂၆ ရက်က စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသန်းမြင့်နှင့် မြန်မာနိုင်ငံပြောင်းလုပ်ငန်းအသင်း ဥက္ကဌ ဦးမင်းခိုင် ဦးဆောင်သော ကိုယ်စားလှယ်အဖွဲ့တို့ ဝန်ကြီးရုံး၊ အစည်းအဝေးခန်းမ၌ တွေ့ဆုံဆွေးနွေးခဲ့ကြောင်း သိရသည်။

အိမ်နီးနားချင်းနိုင်ငံတွေဖြစ်တဲ့ ထိုင်းနိုင်ငံ၊ လာအိုနိုင်ငံ၊ တရုတ်နိုင်ငံ၊ အိန္ဒိယနိုင်ငံတွေရဲ့ ပြောင်းဆံလိုအပ်ချက် များလာတာကြောင့် ပြည်ပဈေးကွက်လိုအပ်ချက်က မြင့်တက်နေတယ်။ ဒီအတွက် မြန်မာနိုင်ငံမှာ ပြောင်းကို စိုက်ပျိုးထုတ်လုပ်မှုတိုးမြှင့်ဖို့ လိုအပ်လာတယ်။ ပြည်တွင်း အစာစပ်လုပ်ငန်းတွေကလည်း ပြောင်းဆံကို တိုးပြီးအသုံးပြုလာတဲ့အတွက် ပြည်တွင်းမှာလည်း ပြောင်းအသုံးပြုတဲ့နှုန်းများလာတယ်။ ဒါ့ကြောင့် ပြည်တွင်းသုံးစွဲမှု ဖူလုံစေဖို့အတွက်တွေကိုလည်း အဓိကထား ဆွေနွေးတိုင်ပင်ခဲ့ပါတယ်။

ဟု မြန်မာနိုင်ငံပြောင်းလုပ်ငန်းအသင်း ဥက္ကဌ ဦးမင်းခိုင် က ပြောသည်။

အဆိုပါ ဆွေးနွေးပွဲတွင် မြန်မာနိုင်ငံမှထွက်ရှိသည့် အစေ့ထုတ်ပြောင်းကို ထိုင်းနိုင်ငံသို့ လွတ်လပ်စွာ တိုးမြှင့်တင်ပို့နိုင်ရေး၊ တရုတ်နိုင်ငံသို့ တရားဝင်တင်ပို့ခွင့် အမြန်ဆုံးရရှိစေရေးနှင့် ပြောင်းဈေးကွက် တိုးမြှင့်ရှာဖွေပေးနိုင်ရန် အစိုးရမှ ကူညီဆောင်ရွက်ပေးရေး၊ မြဝတီနယ်စပ်၌ ပြောင်းကုန်သွယ်မှုဆောင်ရွက်ရာတွင် အရောင်းအဝယ်ကိစ္စများ မှန်ကန်မှုရှိစေရန်နှင့် အဆင်ပြေလွယ်ကူမှုရှိစေရန် ပြောင်းကုန်စည်ဒိုင် ဖွင့်လှစ်နိုင်ရေး၊ ပြည်ပတင်ပို့ရာတွင် ပြောင်းအရည်အသွေးပြည့်မီရေး စစ်ဆေးမှုဆိုင်ရာ ကိစ္စရပ်များနှင့် ပြောင်းမျိုးကောင်း၊ မျိုးသန့်များ စိုက်ပျိုးထုတ်လုပ်ရေး၊ ပြောင်းအစေ့ခြွေစက်များ ခေတ်မှီစေရန် ပိုမိုရင်းနှီးမြှုပ်နှံမှုပြုလုပ်ရေး စသည့်ကဏ္ဍများကို ဆွေးနွေးခဲ့ကြောင်းသိရသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ