ဖရဲသခွားမွှေး မျိုးစေ့ဖိုရမ်နှင့် စိုက်ပျိုးထုတ်လုပ်ရောင်းချသူများ နှီးနှောဖလှယ်ပွဲ ကျင်းပမည်

မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း၏ ဦးဆောင်မှုဖြင့် မြန်မာနိုင်ငံ ဖရဲသခွား စိုက်ပျိုးထုတ်လုပ် တင်ပို့ရောင်းချသူများ အစုအဖွဲ့မှ ကျင်းပသော ဖရဲသခွားမွှေး မျိုးစေ့ဖိုရမ်နှင့် စိုက်ပျိုးထုတ်လုပ်ရောင်းချသူများ နှီးနှောဖလှယ်ပွဲကို နယုန်လပြည့်ကျော် (၅) ရက်နေ့ (၂၅.၆.၂၀၁၆) စနေနေ့ မန္တလေးမြို့ တွင် ကျင်းပပြုလုပ်သွားမည် ဖြစ်ပါကြောင်း သိရပါသည်။ 

အဆိုပါပွဲတွင် ဖရဲသခွားမွှေးတို့တွင် ကြုံတွေ့ရသော မျိုးစေ့ အခက်အခဲများ၊ ပြည်တွင်း/ပြည်ပ တင်ပို့ရောင်းချမှုများ စျေးကွက်စျေးနှုန်းအခြေအနေများနှင့် အနာဂတ် အလားအလာများ၊ မျိုးစေ့ဥပဒေနှင့် ဖရဲသခွားမွှေးတို့တွင် ကျရောက်သော မျိုးစေ့ဆောင်ရောဂါများအကြောင်း စသည့်တို့ကို ဆွေးနွေးသွားမည်ဖြစ်ကြောင်း ဖော်ပြထားပါသည်။ အစီအစဉ်အသေးစိတ်ကို အောက်ဖော်ပြပါ ဓာတ်ပုံတွင် ကြည့်ရှုနိုင်ပါသည်။ အသင်းဝင်လိုသူများအနေနှင့်လည်း ပွဲပြုမည့်နေ့တွင် နေ့ချင်းပြီး ဆောင်ရွက်ပေးမည်ဖြစ်ကြောင်း သတင်းရရှိပါသည်။ 

ပြုလုပ်မည့်နေရာ - ဦးလှသိန်း ဗိမ္မာန်၊ ၃၄ နှင့် ၃၅ လမ်းကြား၊ ၈၅ လမ်း၊ မန္တလေးမြို့

ပြုလုပ်မည့်အချိန် - နံနက် ၉ နာရီမှ ညနေ ၅ နာရီအထိ

ပြုလုပ်မည့်နေ့ရက် - နယုန်လပြည့်ကျော် (၅) ရက်နေ့ (၂၅.၆.၂၀၁၆) စနေနေ့

ဆက်သွယ်ရန် - ၀၉ ၂၅၈၅၅၄၄၀၀၊ ၀၉၇၉၄၂၆၃၆၁၆၈၊ ၀၉ ၂၆၄၄၄၁၇၁၇၊ ၀၉ ၇၉၉၉၁၂၃၀၀