ပဲတင်ပို့မှု တန်ချိန် (၃) သိန်းကျော်ပိုမိုတင်ပို့နိုင်

ယခုနှစ်အတွင်း ပြည်ပနိုင်ငံများကို ပဲတင်ပို့မှုတန်ချိန် (၃) သိန်းကျော် ပိုမိုတင်ပို့နိုင်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရပါတယ်။

အိန္ဒိယဈေးကွက်ကို အချိန့်ကန့်သတ်ထားခြင်းမရှိပဲ တင်ပို့ခွင့်ရရှိခဲ့တာကြောင့် ပဲမျိုးစုံတန်ချိန် ပိုမိုတင်ပို့နိုင်ခဲ့တာဖြစ်တယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောပါတယ်။

“ မြန်မာ့ပဲကို အဓိကတင်ပို့နေတဲ့ အိန္ဒိယဈေးကွက်က ဒီနှစ်မှာ အချိန်အကန့်အသတ်မရှိ တင်ပို့နေရတဲ့အတွက် ဒီနှစ်မှာ အရင်နှစ်ကာလတူထက်(၃) သိန်း (၄) သိန်းကျော် ပိုမိုတင်ပို့နိုင်တယ်။ မြန်မာ့ပဲကို တစ်နှစ်ပတ်လုံးကို တင်သွင်းခွင့်ပြုထားတာ”

ပဲစဉ်းငုံကို တန်ချိန် (၂) သိန်း မှ (၄) သိန်း၊ မတ်ပဲကို တန်ချိန် (၁.၅) သိန်း၊ ပဲတီစိမ်းကို တန်ချိန် (၁.၅) သိန်းထိ တင်ပို့ခွင်ပြုထားကြောင်း၊ ပဲလွမ်း (၁.၅) သိန်းကို တင်ပို့ထားကြောင်း အဆိုပါဌာနမှ သိရပါ တယ်။

မတ်ပဲနဲ့ပဲစဉ်းငုံကို အိန္ဒိယနိုင်ငံကို အဓိကထားတင်ပို့နေပြီး အခြားပဲများကိုလည်း ပဲတီစိမ်းကို ကိုရီးယား၊ ဂျပန်နဲ့ တရုတ်ကို တင်ပို့နေတာဖြစ်ကြောင်း အဆိုပါဌာနမှသိရပါတယ်။

ပြည်ပနိုင်ငံများကို ပဲမျိူးစုံတင်ပို့မှုတန်ချိန်မှာ အရင်နှစ်ကာလတူထက် ၁.၄၅၉ သန်းတင်ပို့နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရပါတယ်။

ယမင်းအေး(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ