ဖေဖော်ဝါရီ (၂) ရက်တွင် မူဆယ် (၁၀၅) မိုင် နယ်စပ်ကုန်သွယ်ရေးဂိတ် ပုံမှန်လည်ပတ်နေ

၂၀၂၁ ခုနှစ်၊ ဖေဖော်ဝါရီလ(၂)ရက်တွင် မူဆယ်(၁၀၅)မိုင်၊ နယ်စပ်ကုန်သွယ်ရေးဂိတ်အတွင်း သစ်သီးကားများ ပုံမှန်အတိုင်း လည်ပတ်ရောင်းချနေကြောင်း သိရသည်။

ဇန်နဝါရီ ၁ ရက်နေ့၊ မနက်ပိုင်းတုန်းက သစ်သီးကုန်တင်ယာဉ်တွေ ဝင်ထွက်မှု ရပ်ဆိုင်းနေပါတယ်။ ဒီနေ့နေ့လည်ပိုင်းမှာတော့ မူဆယ်နယ်စပ်ကုန်သွယ်ရေးတစ်ခုလုံး ပြန်လည်ပတ်နေပါပြီ။ ဖရဲသခွားကားတွေ စတင်ဝင်ရောက် ရောင်းချနေကြသလို၊ ကားဖြည့်ဖို့ အလောတကြီးလိုအပ်နေတဲ့ ဝယ်လက်တွေနဲ့လည်း ချိတ်ဆက်ရောင်းဝယ်နေကြပါတယ်။ တရုတ်ဝယ်လက်တွေတောင် မျက်စေ့လည်သွားတဲ့ စျေးကွက်အခြေအနေပါ။

ဟု ရှမ်းပြည်နယ်မြောက်ပိုင်း၊ မူဆယ် (၁၀၅) မိုင် ကုန်သွယ်ရေးဇုန်၊ သစ်သီးဝလံကုန်စည်ဒိုင် ဒုတိယဥက္ကဌ ဦးစိုင်းခင်မောင်က ပြောသည်။

ဖေဖော်ဝါရီလ (၂)ရက်၊ ဖရဲရောင်းချမှု အစီးပြတ်စျေးများမှာ 855 ဖရဲ ထိပ်စစီးပြတ် ၅၀,၀၀၀ ယွမ် နှင့် အထက်၊ ထိုင်ဝမ်ဖရဲ တန်ချိန် ၃,၅၀၀ - ၄,၀၀၀ ယွမ် စသည့် ဈေးနှုန်းများဖြင့် ရောင်းဝယ်နေကြပြီး သခွားမွှေးသီးများမှာ ၄,၅၀၀ - ၆,၀၀၀ ယွမ်အတွင်း စျေးပြတ် ရောင်းချနေကြသည်။

ဒီနေ့ ကားဝင်နိုင်တဲ့ အရေအတွက်က ခန့်မှန်းခြေ အစီး ၁၀၀ ကျော်လောက် ရှိနိုင်ပါတယ်။

ဟု ဦးစိုင်းခင်မောင်က ဆက်လက်ပြောသည်။

ဖေဖော်ဝါရီလ (၂)ရက်၊ တရုတ်ငွေဈေးမှာ တစ်ယွမ်လျှင် မြန်မာငွေ (၂၀၃)ကျပ် ဝန်းကျင်ရှိနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ