မှိုဆီစိမ်

မှိုတွေဈေးထဲမှာ ပေါပေါများများတွေ့နေပါသလား? တစ်နှစ်ပတ်လုံးစားလို့ရအောင် မှိုဆီစိမ်လုပ်ထားလိုက်ပါ။ ဒီနေ့တော့ အတော်လေးကိုလူကြိုက်များတဲ့ မှိုဆီစိမ်နည်းလေးကိုပြောပြပါမယ်နော်။

ပါဝင်ပစ္စည်း

မှို(တောင်ပို့မှို၊ ငွေနှင်းမှို)

ဆီ

ဆား

ဟင်းခတ်မှုန့်

ကြက်သွန်ဖြူ

ငရုတ်သီးခြောက်

ပြုလုပ်နည်း

-မှိုကိုရေဆေးပြီး အမျှင်လေးတွေမျှင်ပါ။ ထို့နောက် ရေစင်အောင်စစ်ထားပါ။

-အိုးထဲကို ဆီထည့်ပြီး ဆီပူလာရင် ရေစင်အောင်စစ်ထားတဲ့ မှိုထည့်ကြော်ပါ။ အိုးမကပ်စေရန် ဆီပမာဏကို များများထည့်ပါ။ ဆား၊ ဟင်းခတ်မှုန့်(ဟင်းချိုမှုန့်)ထည့်ပါ။ မှိုက ချိုပြီးသားမို့ အနည်းငယ်ထည့်ရင်ရပါပြီ။

-မှိုအကျက်ညီပြီး နီလာပြီဆို မှိုကို ဆီစစ်ပါ။ ပြီးရင် အအေးခံထားပါ။

-ထို့နောက် ကြက်သွန်ဖြူနဲ့ ငရုတ်သီးခြောက်ကို ကြော်ပါ။ ထို့နောက် ဆီစစ်ပါ။ အအေးခံပါ။

-နှစ်ခုလုံးအအေးခံပြီးရင် မှို၊ ငရုတ်သီး၊ ကြက်သွန်ဖြူကြော်ကို ရောမွှေပါ။

-ထည့်မယ့်ပုလင်းထဲကိုထည့်ပြီး ကြော်တုန်းကပိုထားတဲ့ဆီကို မှိုကိုဖုံးတဲ့အထိထည့်ပါ။

ဒါဆိုရင် ထမင်းနဲ့အရမ်းလိုက်ဖက်တဲ့ မှိုဆီစိမ်ကို ရရှိပြီဖြစ်ပါတယ်။

ဝတ်မှုန်သင်း

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ