မှိုမျိုးစုံမွေးမြူစိုက်ပျိုးခြင်းဆိုင်ရာ ပညာပေးသင်တန်း ဖွင့်လှစ်မည်

စိုက်ပျိုးရေးဦးစီးဌာန၊ ကော်ဖီရာသီသီးနှံ ဌာနခွဲ၊ မှိုသုတေသနနှင့် နည်းပညာဖွံ့ဖြိုးရေးခြံ ပြင်ဦးလွင်၌ မှိုမျိုးစုံ မွေးမြူစိုက်ပျိုးခြင်းဆိုင်ရာ ပညာပေးသင်တန်းကို ဖွင့်လှစ်မည်ဖြစ်ကြောင်း စိုက်ပျိုးရေးဦးစီးဌာနမှ တာ၀န်ရှိသူတစ်ဦးက ပြောသည်။

အဆိုပါသင်တန်းကို ဇန်နဝါရီလ (၁၄) ရက်မှ (၁၆) ရက်အထိ (၃) ရက်ကြာ သင်ကြားပို့ချမည်ဖြစ်ပြီး၊ အခြားမှိုသင်တန်းများ တက်ရောက်ပြီးသူဖြစ်စေ၊ လက်ရှိစိုက်ပျိုးနေသူဖြစ်စေ၊ မှိုစိုက်ပျိုးထုတ်လုပ်ခြင်းပညာရပ်ကို လေ့လာနေသူဖြစ်စေ မည်သူမဆို တက်ရောက်လေ့လာနိုင်ကြောင်း သိရသည်။

"တစ်နှစ်ကိုမှ တစ်ကြိမ်သာ ဖွင့်တာပါ။ ဒါက တတိယမြောက်နှစ်ပါ။ မှိုစိုက်နည်းတွေကို သီးသန့်သင်တာထက်၊ မှိုစိုက်တဲ့အခါ အဓိကလိုအပ်တဲ့ သိသင့်တာလေးတွေကို အသေးစိတ်ညွှန်ပြပေးတဲ့ သင်တန်းမျိုးပါ။ သင်တန်းသားတွေလိုအပ်တဲ့ ပညာရပ်အပေါ် မူတည်ပြီး လိုအပ်ရင်လိုအပ်သလို ထည့်သွင်းသင်ပြပေးတာပါ။ နောက်တစ်ခုက အအေးပိုင်းဒေသမှာဖွင့်တဲ့ သင်တန်းဖြစ်လို့၊ အအေးပိုင်းမှိုတွေကို စိတ်၀င်စားသူတွေအတွက်လည်း အကျိုးရှိမှာပါ။" ဟု စိုက်ပျိုးရေးဦးစီးဌာန၊ ကော်ဖီ ရာသီသီးနှံ ဌာနခွဲ၊ မှိုသုတေသနနှင့် နည်းပညာဖွံ့ဖြိုးရေးခြံ ပြင်ဦးလွင်၏ လက်ထောက်ဦးစီမှူး ဦးအေးမင်းဇော်က ပြောသည်။

သင်တန်းတက်ရောက်သူများကို နေ့လည်စာ သုံးဆောင်ရန် စီစဉ်ပေးမည်ဖြစ်ပြီး၊ သင်တန်းကြေး အခမဲ့ဖြစ်ကြောင်း ဦးအေးမင်းဇော်က ဆိုသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ