မြန်မာ့ဆန်တန်ချိန်(၁)သိန်းကိုတင်ပို့နိုင်ရေး စတင်လုပ်ဆောင်နေ

နှစ်နိုင်ငံအစိုးရအချင်းချင်း (G to G) စနစ်ဖြင့် မြန်မာ့ဆန်တန်ချိန်(၁)သိန်းတင်ပို့နိုင်ရေးအတွက် စတင်လုပ်ဆောင်နေပြီ ဖြစ်ကြောင်းမြန်မာနိုင်ငံဆန်စပါးအသင်းချုပ်မှသိရပါတယ်။

လက်ရှိမှာ ကနဦးတင်ပို့နိုင်ဖို့အတွက် ကုမ္ပဏီများနဲ့ညှိနှိုင်းဆောင်ရွက်မှုများကို စီစဉ်လုပ်ဆောင်နေ တာဖြစ်ကြောင်း မြန်မာနိုင်ငံဆန်စပါးအသင်းချုပ်မှ ရုံးအဖွဲ့မှူး ဦးမြင့်လွင်ကပြောပါတယ်။

“ လက်ရှိကဆန်တင်ပို့ဖို့ဆောင်ရွက်နေပြီ။ ကုမ္ပဏီတွေနဲ့ညှိနှိုင်းနေပြီးတော့ စပြီးတင်ပို့ ဖို့ လုပ် ဆောင်နေပါပြီ။ ကုမ္ပဏီအားလုံးတော့မဟုတ်သေးဘူး။ ကနဦး ကတော့ တန်ချိန်သုံး၊လေး သောင်း လောက်လတ်တလော တင်ပို့နိုင်ဖို့လုပ်ဆောင်နေပါပြီ”

တရုတ်နိုင်ငံ အစိုးရပိုင်အဖွဲ့မှ COFCO အဖွဲ့အစည်းနဲ့ မြန်မာအစိုးရဘက်မှ မြန်မာနိုင်ငံ ဆန်စပါး အသင်းချုပ်တို့မှ ဆန်တန်ချိန်(၁)သိန်းတင်ပို့နိုင်ရေးအတွက် ဆွေးနွေးမှုများ ပြုလုပ်နေကြောင်း သိရ ပါတယ်။

၂၀၁၄- ၂၀၁၅ ခုနှစ်မှာလည်း ဆန်တန်ချိန်(၁)သိန်းတင်ပို့မှုများရှိခဲ့ပြီး ယခုနှစ်မှာလည်း ဆန်တန် ချိန် (၁)သိန်းကို ထပ်မံတင်ပို့နိုင်ရန်လုပ်ဆောင်သွားမှာဖြစ်ကြောင်း မြန်မာနိုင်ငံဆန်စပါးအသင်းချုပ်မှသိရ ပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ