လျှော်ဖြူစေး (ဆေးကုလားမ) အရည်အသွေးကောင်းထုတ်နိုင်ရန်နှင့် လေလွင့်ဆုံးရှုံးမှုနည်းစေရန် ကျွမ်းကျင်လုပ်သားအရေးကြီး

လျှော်ဖြူစေး (ဆေးကုလားမ) အရည်အသွေးကောင်း ထုတ်နိုင်ရန်နှင့်လေလွင့်ဆုံးရှုံးမှုနည်းစေရန် ကျွမ်းကျင်လုပ်သား၏ အတွေ့အကြုံနှင့်ချင့်ချိန်နိုင်စွမ်းတို့ အရေးကြီးကြောင်း သိရသည်။

ကျွန်တော်က လျှော်ဖြူပင် ဧကသုံးဆယ်ကျော်စိုက်ပျိုးထားတယ်။ စိုက်ပျိုးတဲ့နေရာမှာတော့ အခက်အခဲနည်းတယ်။ အစေးထုတ်တဲ့နေရာမှာ ကျွမ်းကျင်ဖို့လိုအပ်ပါတယ်။ အစေးလှီးတဲ့အခါ မန်းသဘောကို နားလည်ရမယ်။ အစေးထွက်ဖို့ရာ အပင်မှာ ဓားနဲ့ထစ် ဒဏ်ရာပေးပြီး မန်းတက်လာတာ (အသားနုတက်လာတာ)က အရေးကြီးတယ်။ အဲ့ဒီအသားနုနေရာက အစေးထွက်တာကိုး။ နုသွားလို့ ရင့်သွားလို့မရဘူး။ အနေတော်လေးဖြစ်ရမယ်။ လှီးတဲ့အခါမှာလည်း သူ့အပင်နဲ့ သူ့ရာသီဥတုနဲ့ကို ကြည့်ပြီး ချိန်ဆတတ်ရမယ်။ သုံးရက်၊ ငါးရက်၊ တစ်ပတ်တစ်ခါ ကိုယ့်ခြံပေါ်မူတည် လှီးပေးရတာ။ အစေးထုတ်တဲ့အခါတော့ ဖုန်၊ သဲ၊ ခဲ၊ အမှိုက် သန့်စင်အောင်ထုတ်လုပ်နိုင်ဖို့ အရေးကြီးပါတယ်။

ဟု မန္တလေးတိုင်း၊ ပုသိမ်ကြီးမြို့နယ်၊ ဂန္ဓမာရွာရှိ နန္ဒဝန်လျှော်ဖြူစိုက်ပျိုးရေးခြံမှ ဦးဇင်မင်းသန့် က ပြောသည်။

လျှော်ဖြူပင်သည် စိုက်ပျိုးရာတွင် အကြမ်းခံပြီး မိုးခေါင်ရေရှားဒေသများနှင့်လည်း သင့်တော်သည့် နှစ်ရှည်ပင်အမျိုးအစား ဖြစ်သည်။

နှစ်ရှည်ပင်ဆိုတော့ အနှစ်သုံးဆယ်၊ အနှစ်လေးဆယ် တောက်လျှောက်အစေးထွက်ပါတယ်။ စစိုက်မယ်ဆိုရင်တော့ ဇွန်လ၊ ဇူလိုင်လတွေမှာ စစိုက်သင့်တယ်။ စိုက်ပြီး သုံးနှစ်ဆိုရင် အစေး နည်းနည်းချင်းစထွက်လာပြီး၊ လေးနှစ်ကနေ နောက်ပိုင်းမှာတော့ အစေးများများ ထွက်လာပါတယ်။

ဟု ဦးဇင်မင်းသန့်က ပြောသည်။

ဈေးကွက်အတွင်း လျှော်ဖြူအစေး (ဆေးကုလားမ) ကို သဘာဝကြာဇံမျှင်၊ ကြာဇံအတို၊ ရေခဲပွင့်၊ AAA/ထိပ်စ၊ အဝါကြည်/One စ၊ အောက်စ စသည်ဖြင့် အရည်အသွေးအပေါ်မူတည်၍ အမျိုးအစားအမည်များ၊ ဈေးနှုန်းများ သတ်မှတ်ရောင်းဝယ်နေကြခြင်း ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ