ဝဥသီးနှံ တိုးချဲ့ထုတ်လုပ်နိုင်ရန် ပံ့ပိုးကူညီမှုများလိုအပ်နေ

လူသုံးကုန်၊ စားသောက်ကုန်များ ထုတ်လုပ်နိုင်ပြီး ဈေးကွက်ဝယ်လိုအားများသည့် ဝဥသီးနှံကို တိုးချဲ့ထုတ်လုပ်နိုင်ရန် ပံ့ပိုးကူညီမှုများ လိုအပ်နေကြောင်း တောင်သူများထံမှ သိရသည်။

ဝဥ စတင်စိုက်ပျိုးရာမှာ အဓိကကျတာကတော့ စိုက်ပျိုးစရိတ်နဲ့ အလုပ်သမားခတွေပါပဲ။ ကျွန်တော်တို့ချင်းပြည်နယ်မှာ ဝဥသီးနှံကို ကိုယ်ထူကိုယ်ထစနစ်နဲ့ စိုက်ပျိုးနေရတဲ့အတွက် ကိုယ်လုပ်နိုင်တဲ့ အတိုင်းအတာတစ်ခုအထိပဲ လုပ်နိုင်ပါသေးတယ်။ တိုးချဲ့စိုက်ပျိုးဖို့အတွက်တော့ အခက်အခဲတွေ ရှိနေပါတယ်။

ဟု ချင်းပြည်တောင်ပိုင်း၊ ကန်ပက်လက်မြို့မှ စီးပွားဖြစ် ဝဥစိုက်ပျိုးသူ ဦးကီးထန်း က ပြောသည်။

ချင်းပြည်နယ်မှ ထွက်ရှိသည့် ဝဥကုန်ကြမ်း၊ ကုန်ချောများကို မန္တလေးပွဲရုံဈေးကွက်နှင့် ဝဥ စက်ရုံများသို့ အများဆုံး တင်ပို့ရောင်းချကြောင်း သိရသည်။

လက်ရှိအခြေအနေမှာ ဝဥက ဈေးကွက်ဝယ်လိုအားများနေပါတယ်။ ဒါပေမယ့်လည်း စိုက်ဧကတွေတိုးလာဖို့နဲ့ အရည်အသွေးပြည့်မီတဲ့ဝဥတွေ တိုးမြှင့်ထုတ်လုပ်နိုင်ဖို့ဆိုရင် တောင်သူတော်တော်များများအတွက်တော့ မ,တည်ရင်းနှီးငွေ (စိုက်ပျိုးစရိတ်) နဲ့ နိုင်ငံတော်ရဲ့ နည်းပညာပိုင်းဆိုင်ရာ ပံ့ပိုးကူညီပေးမှုတွေ အများကြီးလိုအပ်နေပါသေးတယ်။

ဟု ဦးကီးထန်း က ဆက်လက်ပြောသည်။

လက်ရှိဈေးကွက်တွင် ဝဥပေါက်စျေး ဝဥအစို တစ်ပိဿာလျှင် ကျပ် ၂၀၀၀ မှ ၂၂၀၀ ကျပ် ဝန်းကျင်၊ ဝဥခြောက် တစ်ပိဿာလျှင် ၁၁၅၀၀ ကျပ် မှ ၁၂၀၀၀ ကျပ်အထိ ဈေးနှုန်း အသီးသီးရှိနေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ